Dabali News

ओली-प्रचण्डको पार्टीमा एनअारएनलाई नो इन्ट्री, नयाँ सदस्ता नदिने र पूरानो खारेज हुने

२८ असार

काठमाडौं । विदेशीभूमिमा कमाएको सम्पतिको केही अंश नेपालमै लगानी गर्ने भन्दै अाएको गैर आवासीय नेपाली (एनआरएन) लाई नेपाल कम्युनिस्ट पार्टी (नेकपा)ले सदस्यत नदिने भएको छ । एनअारएन विभिन्न पार्टीमा गोलबद्ध हुँदै सामाजिक कार्यका साथै राजनीतिमा पनि सक्रिय भइरहेको बेला नेकपाका दुबै अध्यक्ष केपी ओली र पुष्पकमल दाहालको निर्देशनमा एनअारएनलाई सदस्यता नदिने गरी नयाँ नियमावली बनाएको छ ।

बुधबार पारित नियमावलीले त्यो ब्यस्था गरेसँग नयाँ सदस्यता नपाउने व्यस्था गरेको छ । नागरिकता एेनले विदेशी नागरिकता लिएका नेपालीको नागरिकता स्वतः खारेज हुने व्यवस्था गरेको छ । नेकपाले पनि नेपाली नागरिकता भएका व्यक्तिलाई मात्रै पार्टी सदस्यता दिने भएको छ ।

उक्त व्यवस्था खारेजीका लागि सर्वाेच्च अदालतमा रिट परे पनि सर्वाेच्चले खारेज गरिदिएकाले एनआरएनलाई नेकपाको सदस्य हुने बाटो बन्द भएको नेकपाका केन्द्रीय सदस्य तथा नियमावलीलाई अन्तिम रूप दिन गठन गरिएको कार्यदलका सदस्य खिमलाल देवकोटाले बताए ।

‘हामीले नियमावलीमा नेपालको कानुनअनुसार नेपाली नागरिक मात्र पार्टीको सदस्य हुने व्यवस्था गरेका छौँ, नागरिकता ऐनले गरेको व्यवस्थाअनुसार विदेशी नागरिकता लिएका गैर आवासीय नेपालीको नागरिकता स्वतः खारेज हुन्छ, त्यसैले अब एनआरएन नेकपाको सदस्य हुन पाउँदैनन्,’ देवकोटाले भने ।

उनले नियमावलीमा सिधै एनआरएन पार्टी सदस्य हुन नपाउने विषय नलेखे पनि नेपाली नागरिक मात्र पार्टी सदस्य हुने भन्ने विषयले एनआरएनलाई सदस्य हुनबाट रोक लगाएको उनले बताए ।

नेकपाको पारित नियमावलीमा कर्मचारी, शिक्षक र प्राध्यापकलाई पनि पार्टी सदस्य हुन नपाउने व्यवस्था गरिएको देवकोटाले जानकारी दिए । नेकपाको केन्द्रीय सचिवालय बैठकले बुधबार बिहान पार्टी नियमावली पारित गरेको हो ।

बुधबार प्रधानमन्त्री निवास बालुवाटारमा बसेको बैठकले पार्टीको नियमावली सर्वसम्मत पारित गरेको छ । मंगलबार बसेको सचिवालय बैठकले नियमावली टुंगो लगाउन गठित कार्यदलले प्रस्तुत गरेको प्रतिवेदनमाथि प्रारम्भिक छलफल गरेपछि बुधबार बिहान बसेको बैठकले नियमावली पारित गरेको थियो ।

नियमावली परिमार्जनका लागि नेकपाले नेताहरू वामदेव गौतम, रामबहादुर थापा र विष्णु पौडेल सदस्य रहेको तीन सदस्यीय कार्यदल गठन गरेको थियो । नियमावलीलाई नेकपाका महासचिव विष्णु पौडेल नेतृत्वको कार्यदलले अन्तिम रूप दिएपछि स्थायी समिति सदस्यले नियमावली हेर्न पाउनुपर्ने र त्यसमा सुझाव दिन पाउनुपर्ने माग राखेका थिए । त्यसपछि नेकपाले नियमावली परिमार्जनका लागि ३ सदस्यीय कार्यदल गठन गरेको थियो ।

नेकपाको नियमावलीलाई महासचिव विष्णु पौडेल सहित स्थायी समिति सदस्य बेदुराम भुसाल तथा देव गुरुङ एवं केन्द्रीय सदस्य खिमलाल देवकोटाले अन्तिम रूप दिएका थिए । कार्यदलले प्रस्तुत गरेको प्रतिवेदनमा कुनै विवाद नभएकाले छलफलपछि सर्वसम्मत तरिकाले नियमावली पारित गरिएको नेकपाले जनाएको छ ।

पार्टीको नियमावली पारित भएसँगै अब नेकपाका जनवर्गीय संगठनको एकता तथा तल्लो तहका समितिको टुंगो लाग्ने छ । नेकपाले तीन महिनाभित्रमा एकता टुंगो लगाउँदै तल्लो तहका समितिको पनि टुंगो लगाउने जनाएको छ ।

नियमावलीको टुंगो नलाग्दा एकीकृत पार्टीका जनवर्गिय संगठनको एकता तथा संघीय संरचनाअनुसार कस्तो संगठन बनाउने भन्ने कुरा टुंगो लाग्न सकेको थिएन । पार्टीको नाम, सिद्वान्त, मार्गदर्शक सिद्वान्त, अध्यक्ष, केन्द्रीय सचिवालय, वरिष्ट नेता, महासचिव, केन्द्रीय समिति, स्थायी समिति र चुनाव चिन्हलगायतका विषयलाई पहिले नै टुंगाइसकेको छ ।

  • फाइल फोटो
Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]