काठमाडौँ। बरिष्ठ संगीतकार मनराजा नकर्मी विशिष्ट पुरस्कार छिन्नलता गीत पुरस्कारव्दारा सम्मानित हुने भएको छ। गीत(सङ्गीतको क्षेत्रमा विशिष्ट योगदान पुर्‍याउने स्रष्टालाई दिइँदै आएको छिन्नलता गीत पुरस्कार तथा सम्मानवाट यसपटक संगीतकार मनराजा नकर्मीलाइ पुरस्कृत गरिन लागेको  हो।

छिन्नलता गीत पुरस्कार गुठीका अध्यक्ष प्राडा वासुदेव त्रिपाठीका अनुसार गुठीको साधारण सभाले २०७९ र २०८० सालको छिन्नलता गीत पुरस्कार तथा सम्मान घोषणा गरेको हो। २०७९ सालका लागि छिन्नलता गीत पुरस्कार भूषण खरेल (गीत रचना), मनराजानकर्मी (सङ्गीत) र शिव परियार (गायन) लाई प्रदान गरिने भएको छ।

त्यस्तै लोकप्रिय युवा प्रतिभा पुरस्कार मेनुका पौडेललाई दिइने भएको छ। २०८० सालको पुरस्कार वीरेन्द्र पाठक (गीत रचना), चण्डी काफ्ले (सङ्गीत) र मनिला सोताङ (गायन) लाई प्रदान गरिने गुठीले जनाएको छ। लोकप्रिय युवा प्रतिभा पुरस्कार भुपु पाण्डेलाई दिइने भएको छ।