News Portal

  • जिप दुर्घटना हुँदा जनाको मृत्यु, ११ जना घाइते

    १७६ पटक

    दोलखा । शैलुङ गाउँपालिका वडा नं. ८ झोरमन गाँउबाट रामेछापको दोरम्बाको दहपताल जाँदै गरेको बोलेरो जिप दोरम्बाको डढुवामा दुर्घटना भएको छ ।

    दुर्घटनामा २ जनाको मृत्यु भएको छ भने ११ जना घाईते भएका छन् । मृत्यु हुनेमा झोरमनगाउँका भीमबहादु श्रेष्ठको अन्दाजि ११ वर्षिय छोरी दिलकुमारी श्रेष्ठ र गणेश श्रेष्ठको छोरी अन्दाजी ७ वर्षिय सुवानी श्रेष्ठ रहेको घटनाका प्रत्यक्षदर्शी स्थानीय दिपेश श्रेष्ठले जानकारी दिए ।

    दुर्घटनामा चालक मनोज पाण्डेसहित ११ जना घाईते भएका र उनीहरूको काठमाण्डौंमा उपचार भइरहेको छ । घाइते हुनेहरुमा झोरमनगाउँका करिब २४ वर्षिय लालमाया श्रेष्ठ, २३ वर्षिय मानकुमार श्रेष्ठ, ८ वर्षिय यूनिया श्रेष्ठ, ५० वर्षिय केन्द्रबहादुर श्रेष्ठ, १३ वर्षिय बिनबहादुर श्रेष्ठ, २६ वर्षिय लक्ष्मी श्रेष्ठ, १० वर्षिय इच्छा श्रेष्ठ, ६ वर्षिय सुक्रिया श्रेष्ठ, ८ वर्षिय सुमिर श्रेष्ठ र विमला श्रेष्ठ रहेका छन् ।

    डढुवामा नेवार समुदायको क्षवर कार्यक्रमको लागि हिडेका नातेदारहरू चढेको बा १३ च ७०९५ नं.को बलेरो सोमबार साँझ कच्चीबाटोबाट डढुवाको खोचमा ३ सय मीटर तल खसेको थियो ।

    प्रतिकृया दिनुहोस्