अनलाइन डबली
ललितपुर । धापाखेलस्थित कान्तिपुर इन्जिनियरिङ कलेजमा नेकपा(एमाले) निकट अनेरास्ववियुले सोमबार बेलुका तालाबन्दी गरेको बताइएको छ । आफू स्ववियु चुनावमा हार्ने भएपछि अखिलले ताला लगाएको अखिल(क्रान्तिकारी)सहित अन्य तीन विद्यर्थी संगठनहरुले आरोप लगाएका छन् ।
नेकपा(माओवादी केन्द्र) निकट अखिल(क्रान्तिकारी) नेपाली काँग्रेस निकट नेपाल विद्यार्थी संघ(नेविसंघ) नयाँसक्ति विद्यार्थी संगठनले उम्मेदवारी दर्ताको विषयमा कलेज प्रशासनसमक्ष छानविनको लागि माग राखेको क्रान्तिकारीका एक विद्यार्थीले अनलाईन डबललीलाई बताए । सोमबार बेलुका ५ बजेतिर अखिलले छानविन नगरी निर्वाचन गरिनुपर्ने भन्दै तालाबन्दी गरेर निर्वाचन विथोलेको तीन विद्यार्थी संगठनहरुले आरोप लगाएका छन् ।
यसअघि अखिलले उम्मेदवारी दर्ताको समयसीमा कटिसकेपछि उम्मेदवारी दर्ता गरेपछि आफूहरुले छानविको माग गरेको क्रान्तिकारीले बताएको छ । आज देशैभरी स्वीयुको निर्वाचन भइरहँदा सो कलेजमा भने तालाबन्दीले अबरोध भएको छ ।
सत्तासिन पार्टी एमालेकै भातृ संगठन अखिलको तालबन्दीको कारण चैत १३ गतेदेखि इन्जिनियरङि अध्ययन संस्थानको बोर्ड परिक्षालाई पनि अबरोध गर्ने उनिहरुको आरोप लगाएका छन् । तालबन्दीले परिक्षा प्रवेश पत्र तथा परिक्षा फर्म भर्न विद्यार्थीहरुलाई सास्ती भएको विद्यार्थीहरुले गुनासो गरेका छन् ।
तीनै विद्यार्थी संगठनहरुले यथासीग्र तालाबन्दी हटाएर स्ववियु चुनाव गरिनुपर्ने तथा इन्जिनियरङि अध्ययन संस्थाको बोर्ड परिक्षामा सहभागी विद्यार्थीहरुलाई सास्ति नदिन पनि अखिललाई आग्रह गरेका छन् ।
