Dabali News

अपडेट: ट्रिपर दुर्घटनामा मृत्यु हुने मजदूर संख्या १९ पुग्यो, गम्भीर घाइतेलाई हेिलकोप्टरबाट पोखरा लगियो

२२ असार

मुस्ताङ । जिल्लाको दामोदरकुण्ड गाउँपालिकाको स्याङ्बोचेमा शुक्रबार दिउँसो भएको ट्रिपर दुर्घटना हुँदा मृत्यु हुने मजदूरको संख्या पुगेको छ । मृत्यु हुनेमा धेरै दाङ र रोल्पाका मजदुर छन् । मृतकमा ९ पुरुष र ६ महिला रहेका छन् ।

बेनी–कोरला सडकखण्डमा काम गर्ने मजदूर चढेको ट्रिपर स्याङ्बोचेमा दुर्घटनामा परेको मुस्ताङका प्रमुख जिल्ला अधिकारी शिशिर पौडेलले जानकारी दिएका छन् । “दुर्घटनामा १९ जनाको मृत्यु भएको पुष्टि भएको छ, सबै विवरण आउन बाँकी छ”, उनले भने । दुर्घटनामा परी १७ मजदूर घाइते छन् ।

मृत्यु भएकामा ९ जना दाङ र ५ जना रोल्पाका मात्र परेका छन् । अन्यमा स्याङजा, कपिलवस्तु अोखलढुंगा, कैलालीका पनि छन् । प्रहरी कार्यालय मुस्ताङबाट उप्लब्ध जानकारी अनुसार मृत्यु हुनेमा रोल्पा सुनछहारी–१ की ३२ वर्षकी सुन्तु घर्ती, ३२ वर्षका राजकुमार पुन रहेका छन् ।
त्यस्तै रोल्पा थबाङ–१ का २८ वर्षका सुकमान रोका, ३६ वर्षका मौसम घर्ती, थबाङ– ५ की ३१ वर्षकी जीतमाया घर्ती, २० वर्षकी सिर्जना मगर, २३ वर्षका रास्त्रे रोका, २३ वर्षकी जीतकुमारी पुन, १९ वर्षका महेश रोका छन् ।

त्यसेगरी दाङको राजपुर गाउँपालिका–१ का २५ वर्षका कमल बुढा, ३० वर्षका बालकुमार घर्ती, राप्ती गाउँपालिका–३ कि ३१ वर्षकी कविता घर्तीमगर, ३५ वर्षका सुबेर चौधरी, राप्ती–९ की ४३ वर्षकी शान्ति थापाको पनि उक्त दुर्घटनामा मृत्यु भएको प्रहरीले जनाएको छ ।

त्यस्तै धादिङका २३ वर्षका सुजन घलान, ओखलढुंगा चम्पादेवी गाउँपालिका २ का २० वर्षका जीवन माझी, कैलालीको नारायणपुर नगरपालिका– ८ का २२ वर्षका बिन्ती घर्ती, कपिलवस्तुको कपिलवस्तु नगरपालिका–१ का ३५ वर्षका कमान सिंह रोका र स्याङ्जा अर्जुनचौपारी गाउँपालिका १ का २४ वर्षका कृष्ण क्षेत्रीको पनि दुर्घटनामा मृत्यु भएको छ ।

त्यस्तै घाइते भएका १३ जनामध्ये ३ जनालाई नेपाली सेनाको हेलिकोप्टरमार्फत उपचारका लागि पोखराको मणिपाल शिक्षण अस्पताल लगिएको छ । बाँकी ५ जनालाई पनि हेलिकोप्टरले पोखरा लैजाने तयारी भइरहेको र सामान्य घाइते ५ जनालाई जिल्ला अस्पताल मुस्ताङमा उपचार गर्न ल्याइएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]