Dabali News

लागूऔषध सेवन र ओसारपोसार नियन्त्रणको प्रयास प्रभावकारी नहुँदा चिन्ता

२२ असार

बाँके । जिल्लामा लागूऔषधको सेवन र ओसारपोसार नियन्त्रणको प्रयास प्रभावकारी हुन नसकेकोमा चिन्ता व्यक्त गर्न थालिएको छ ।

यस जिल्लामा लागूऔषधका सेवनकर्ता र कारोबारीलाई बेलाबखत प्रहरीले पक्राउ गरे पनि नतिजा सन्तोषजनक भएको पाइँदैन । अहिले बाँके जिल्लालाई लागूऔषधमुक्त र दुव्र्यसनीलाई पुनःस्थापना गर्नका लागि प्रहरी प्रशासनले सतर्कता बढाएको छ ।

सीमानाकामा चेकजाँचमा कडाइ गर्नुका साथै दुव्र्यसनीका लागि विभिन्न संघसंस्थाले पुनःस्थापनाको कार्यक्रम सञ्चालन गरेको छ । यति हुँदा पनि यस जिल्लामा लागूऔषध कारोबार र सेवनकर्ताको संख्यामा कमी नआएको सरोकारवाला निकायका पदाधिकारीहरुले बताए ।

“बाँके जिल्लामा लागूऔषध सेवन र कारोबार नियन्त्रणका लागि स्थानीय प्रशासनले सरोकारवाला प्रहरी, सामाजिक संस्था, नागरिक समाजसँगको सहकार्यलाई प्राथमिकतामा राखेर काम गरिरहेको भए पनि नियन्त्रणको प्रयासअनुसार नतिजा आउन भने सकेको छैन”– रमेशकुमार केसीको भनाइ छ ।

चालू आवको अहिलेसम्म जिल्ला प्रहरी कार्यालय, बाँकेले २२९ जना लागूऔषध सेवनकर्तालाई पक्राउ गरेको छ । बाँके जिल्लामा खुला सिमाना भएका कारण लागूऔषध नियन्त्रण चुनौतीपूर्ण भएपनि केही महत्वपूर्ण सफलता हाँसिल भएको प्रहरीको भनाई छ ।

नेपालगञ्जस्थित सहारा हाउसले चालू आवको अहिलेसम्म १५० जनाको पुनःस्थापना गरिसकेको हाउसका कार्यकारी प्रमुख अभिराज क्षेत्रीले बताए । उनका अनुसार सानैदेखि बालबालिकालाई पारिवारिक वातावरण दिन सकियो भने धेरै हदसम्म युवालाई लागूऔषधको कुचक्रबाट टाढा राख्न सकिन्छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]