Dabali News

नेकपाले शुरु गर्यो जनविरोधीको सूची संकलन अभियान

१५ असार

झापा । नेपाल कम्युनिस्ट पार्टी (नेकपा)ले जिल्ला जिल्लामा जनविरोधीहरुको सूची संकलन कार्य शुरु गरेको जनाएको छ । यो अभियानकै रुपमा देशभर चलाइएको समेत जनाइएको छ ।

नेकपाद्वारा संचालित जनपपरिषद् (जनसत्ता)ले खुलेआम रुपमा सूचना जारी गर्दै तस्कर, भ्रष्टाचारी, कालो बजारिया, राष्ट्रघाती, दलाल र कमिशन खोर (विचौलिया)हरुको नाम दिन एक सूचनामार्फत अपिल गरिएको छ ।

झापा जिल्ला जनरिषद्ले शुक्रबार एक सूचना प्रकाशित गरेर गाउँपालिका, नगरपालिका र महानगर, उपमहागरभित्र रहेका जनता र राष्ट्रका विरुद्धमा निर्णय गरेर नागरिकलाई नोक्सानी पुर्याउने मान्छेहरुको सूची दिन सूचना प्रकाशित गरेको छ ।

प्रकाशित सूचनालाई चोक, बजार र जनता घरघरमा पुर्याइएको जिल्ला जनपरिसद्ले जनाएको छ । उक्त सूचना सार्वजनिक स्थानमा टाँसेका छन् । कुलतका लागेका, व्यापीचारी, गुण्डा (डन)लगायत जनविरोधीहरुको सबै प्रकारका सूचना दिएर सहयोग गर्न स्थानीय वासिन्दासँग सूचनामा भनिएको छ । गाउँ समाजलाई सभ्य, सुरक्षित र जनविरोधीमुक्त बनाउने उद्देश्यले सूचना बाहिर ल्याएको जनपरिसद प्रमुख सुमनसिंह पौडेले बताए ।

सूचना थाहा पाएसँगै यहाँका स्थानीयले नेकपाले जनयुद्धकालीन भन्दा नयाँ तरिकाको सूचना ल्याएको भन्दै चकित परेका छन् । ‘यो काम गरे त देशमै धेरै राम्रो हुनेथियो, तर खै के गर्छन्, हेरौं’ एक स्थानीयले भने । भ्रष्टाचार र महंगीले समाज नै मारमा परेो उनको भनाई छ ।

नेकपाले पछिल्लो समयमा सरकारको निगरानीबाबज’द पनि स्थानीय तहका जनप्रतिनिधिहरुलाई भ्रष्टाचारीको आरोपमा राजीनामा माग्ने र कालो मोसो दल्ने कार्यलाई तीव्रता दिइँदै आएको छ ।

Ad
Ad
Ad

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम निरन्तर चलिरहेको छ ।
हामीले खासगरी खोजमूलक समाचारलाई स्थान दिने गरेका छौं । सबैका सन्तुलित विचार हाम्रो अनलाइनको प्राथमिकतामा पर्छन् ।

डबली मिडिया प्रा.लि. द्वारा संचालित 

अनलाइन डबली डटकम को लागि

अध्यक्षः दिपेन्द्र रावल

सम्पादकः धनन्‍जय बुढा

संवाददाताः जगतबहादुर विष्ट

दर्ता नं. १५४/०७३-७४

Dabali Media Pvt. Ltd.
Anamnagar Kathmandu
Phone
01-4771244
Email
[email protected]
[email protected]