![](https://onlinedabali.com/wp-content/uploads/2022/01/deuba.jpg)
काठमाडौंं । नेपाल राष्ट्र बैंकका गभर्नरलाई कारवाही गरिएको विषयमा प्रधानमन्त्री शेरबहादुर देउवाले सत्तारुढ गठबन्धन दलको बैठकमा नेताहरुलाई जवाफ दिएका छन् । बैठकमा नेपाली काँग्रेसका महामन्त्री गगन थापा र नेकपा माओवादी केन्द्रका नेता वर्षमान पुनले गभर्नरलाई कारवाही गरिएको विषयमा जवाफ मागेका थिए ।
प्रधानमन्त्री देउवाले थापा र पुनलाई जवाफको दिँदै अर्थमन्त्रीलाई असहयोग गरेका कारण गभर्नरलाई कारबाही गर्नु परेको बताए । देउवाले मन्त्रीलाई असहयोग गर्नु गभर्नरको कर्तव्य भएको बताउँदै अर्थमन्त्रीले असहयोग गरेको बताएका कारण कारवाही गरिएको बताए ।
बैठकमा देउवाले देशमा संकट भएको बेला अर्थमन्त्रीलाई असहयोग गर्नु भनेको सरकारलाई असहयोग गरेको बताएको एक नेताले बताए । प्रधानमन्त्री देउवाले भनेका छन्, ‘अर्थमन्त्रीजीले मलाई गभर्नरले एकदम धेरै असहयोग गर्यो भन्नुभयो, अर्थमन्त्रीलाई असहयोग गर्नु भनेको सरकारलाई असहयोग गर्नु हो । यस्तो बेलामा गभर्नरले असहयोग गर्दा चुप लाग्न सकिँदैन ।’
सरकारले शुक्रबार गभर्नर महाप्रसाद अधिकारीलाई पदमुक्त गर्न सर्वोच्च अदालतका पूर्वन्यायाधीशको नेतृत्वमा तीन सदस्यीय जाँचबुझ समिति बनाएको थियो । जाँचबुझ समिति बनाएपछि अधिकारी स्वतः निलम्बनमा परेका थिए ।
प्रमुख प्रतिपक्षी नेकपा एमालेलगायतले गभर्नरमाथि गरिएको कारवाहीको विरोध जनाउँदै आएका छन् । एक जना व्यवसायीको खाता रोक्का गरिएको विषयमा छानविन गर्न अर्थमन्त्री दिएको आग्रहलाई गभर्नर अधिकारीले संचारमाध्यमहरुलाई सूचना दिएका थिए । नेकपा एमालेका अध्यक्ष केपी शर्मा ओली नेतृत्वको सरकारले नियुक्त गरेका अधिकारीले वर्तमान सरकारलाई सुरुदेखि नै असहयोग गर्दै आएका थिए ।
सरकारलाई सहयोग गर्नेगरी देश आर्थिक संकटमा गएको बताउँदै श्रीलंका जस्तै हुन सक्ने भन्दै गभर्नर अधिकारीले बोलेपछि विवाद परेका थिए ।