![](https://onlinedabali.com/wp-content/uploads/2021/05/corona-dabali-scaled.jpg)
काठमाडौं । नेपालमा कोरोना भाइरसको तेस्रो लहर फैलिँदै गएको छ । पछिल्ला केही दिनयता दैनिक १० हजार वरिपरी संक्रमित थपिँदै गएका छन् ।
स्वास्थ्य तथा जनसंख्या मन्त्रालयका अनुसार सोमबार थप १० हजार ३१९ जनामा कोरोना संक्रमण पुष्टि भएको छ । २१ हजार २०१ जनामा कोरोना परीक्षण गर्दा यो संख्यामा संक्रमण पुष्टि भएको हो ।
योसँगै देशभर सक्रिय संक्रमितको संख्या ८२ हजार ५५० पुगेको छ । त्यसैगरी आज २ हजार ५४० जना कोरोना संक्रमण मुक्त भएर सामान्य जीवनमा फर्किएका छन् ।
यसैगरी पछिल्लो २४ घण्टामा कोरोनाबाट ४ जनाले ज्यान गुमाएका छन् । यससँगै देशभर कोरोनाबाट ज्यान गुमाउनेको कुल संख्या ११ हजार ६५९ पुगेको छ ।
हाल कुल संक्रमित भने एन्टिजेन विधिबाट भएको परीक्षणमा १ लाख १५ हजार १७८ र पीसीआर विधिबाट भएको परीक्षणमा ९ लाख १८ हजार ४४८ जना रहेका छन् । संक्रमितमध्ये ८ लाख २४ हजार २३९ जना निको भएका छन् ।
यसैबीच पछिल्लो २४ घण्टामा १ लाख १९ हजार ३७१ जनाले खोप लगाएका छन् ।