काठमाडौँ । नेकपा (एमाले)को महाधिवेशनको बन्दसत्र अझै सुरु हुन सकेको छैन । आज दिनभरी सहमतिको प्रयास र नयाँ नेतृत्वय चयनको सूची बनाउने भन्दै बन्दसत्र सुरु हुन सकेन । साँझ ७ बजे बस्ने भनिएपनि बन्दसत्र सुरु हुन सकेन ।
नयाँ नेतृत्वको आकांक्षा राखेर चितवन पुगेका नेताहरु आक्रोसित भएका छन् । सहमतिको नाममा आफ्नो अधिकार खोस्न लागिएको भन्दै चुनावी प्रक्रियामा जानुपर्नेमा जोड दिइरहेका छन् । खासगरी अध्यक्ष केपी शर्मा ओलीले सहमतिको प्रयास गरिरहेको बताइएको छ । पार्टीमा सहमतिय प्रयास गर्ने ओलीले अन्तिम प्रयास जारी छ ।
अध्यक्षमा उपाध्यक्ष भीम रावलले आफू सर्वसम्मत गर्न तयार नभएको बताइहेका छन् । त्यसैगरी हालका उपमहासचिव घनश्याम भुसाल पनि चुनावी प्रक्रियामा जानुपर्नेमा जोड दिइरहेका छन् ।
चुनावी प्रक्रियामा गएर नेतृत्व चयन गर्नुपर्नेमा नवप्रवेशी दुर्गा प्रसाईले पनि जोड दिइरहेका छन् । हालै एमाले प्रवेश गरेका प्रसाईले आफूले केन्द्रीय समिति सदस्यमा उम्मेदवारी दिने बताइरहेका छन् ।
बन्दसत्र हल बाहिर प्रसाईले पत्रकारहरुसँग कुरा गर्दै सहमति गर्ने भए सौराहमा भेला किन गरिएको भन्दै नेताहरुलाई प्रश्न गरिरहेका थिए । उनले आफू अध्यक्ष ओलीलाई ‘हजुरबा’ भन्दै आफ्नो अधिकार खोस्न नसक्ने बताए । उनले हजुरबाले फिर्ता हुन पनि आफूले नमान्ने घोषणा गरिरहेका थिए । उनले आफ्नो अधिकारी कसैले खोस्न नसक्ने बताउँदै उम्मेदवारीको सम्पूर्ण तयारी भइरहेको बताए ।
उपाध्यक्ष रावलले मध्यराति बन्दसत्र गर्न खोज्नु संस्थागत धाँधली भएको बताएका छन् ।
