News Portal

  • एमामको दशौं महाधिवेशनः आज उद्घाटन, विहान १० बजेदेखि साँझसम्मै राजमार्ग अवरुद्ध

    डबली संवाददाता२०७८ मंसिर १० गते
    १११ पटक

    काठमाडौँ । नेकपा (एमाले)को दशौं राष्ट्रिय महाधिवेशन आजबाट सुरु हुँदैछ । आज पहिलो दिन महाधिवेशनको उद्घाटन गरिनेछ ।
    नारायणगढ बजारसँग जोडिएको नारायणी नदी किनारमा उद्घाटन सत्र र सौराहामा बन्दसत्र हुनेछ । महाधिवेशनको उदघाटन सत्रमा देशभरबाट झण्डै पाँच लाख नेता÷कार्यकर्ता सहभागी हुने एमालेले दाबी गरेको छ ।

    राजमार्ग अवरोध गरेर महाधिवेशनको उद्घाटन गरिन लागिएको हो । महाधिवेशनका लागि एमाले अध्यक्ष केपी शर्मा ओलीसहित धेरै नेताहरु चितवन पुगिसकेका छन् ।

    उद्घाटन कार्यक्रमको सम्पूर्ण तयारी भइसकेको एमाले चितवनले बताएको छ । चितवनका विभिन्न ठाउँमा गरी ५० वटा स्वागत गेट र २५ ठाउँमा सेल्फी प्वाइन्ट बनाइएको छ । चितवनका हरेक घरमा निमन्त्रणा पत्र पठाइएको छ ।

    महाधिवेशनको सुरक्षाका लागि प्रशासनले १५ सयभन्दा बढी सुरक्षाकर्मी परिचालन गरेको छ । नारायणगढ बजार क्षेत्रमा मालवाहक गाडी आवतजावतमा रोक लगाइए पनि अत्यावश्यक गाडी चल्न पाउने व्यवस्था गरिएको छ ।

    एमालेले महाधिवेशनको उद्घाटन अगाडि चितवन जिल्लाका सात ठाउँबाट जुलुस निकालिने जनाएको छ । अन्य जिल्लाहरुबाट आएका सहभागीहरु सातैवटै जुलुसमा सहभागी हुने एमाले चितवनका अध्यक्ष पार्वती रावलले जनाएकी छन् ।

    अध्यक्ष रावलका अनुसार पूर्व – पश्चिम राजमार्ग अन्तर्गतको बुटवल–नारायणगढ सडक खण्डमा मालवाहक गाडी सञ्चालनमा रोक लगाइने पनि नारायणगढ र भरतपुरका मुख्य सहरी क्षेत्रमा अत्यावश्यक गाडी भने चल्न पाउने छन् ।

    अहिले विहान १० बजेदेखि बेलुकासम्म ती क्षेत्रमा गाडी छिर्न पाउने छैनन् । तर अत्यावश्यक एम्बुलेन्स, दमकल, विवाह, व्रतबन्ध, मृत्युसंस्कार लगायतका गाडी चल्नेछन् । यात्रा गर्नेलाई सकेसम्म सहज हुने गरी व्यवस्थापन मिलाएको प्रमुख जिल्ला अधिकारी तामाङले बताउनुभयो ।

    प्रतिकृया दिनुहोस्