काठमाडौं । भारतीय खुफिया एजेन्सी ‘रअ’ का नयाँ नेपाला प्रमुख काठमाडौँ आइपुगेका छन् । कोरोना महामारीसँगै कुनै पनि उच्च भारतीय अधिकारीको नेपाल भ्रमण नभएको बेला रअका नेपाल प्रमुख राघवप्रसाद भट्नागर काठमाडौं आइपुगेका हुन् । उनले कार्यभार समाल्न नसमाल्दै नेपाल आइपुगेको बताइएको छ ।
भट्नागर शुक्रबार एयर इण्डियाको उडानबाट भट्नागरसहित अर्का एक कर्मचारी काठमाडौं आइपुगेको बताइएको छ । नेपलामा राजनीतिक उतारचढाबमै रहेको बेला भट्नागरको नेपाल आउनुलाई अर्थपूर्ण मानिएको छ । उनी ‘रअ’ का नेपाल हेर्ने स्थायी कर्मचारीसहित काठमाडौँ आइपुगेको स्रोतहरुको दाबी छ । त्रिभुवन विमानस्थलका अधिकारीहरुले पनि कुटनीतिक राहदानी लिएर भारतीय नागरिक राघवप्रसाद भट्नागर नेपाल आएको बताएका छन् ।
विमानस्थलबाट भट्नागर नेपालस्थित भारतीय दूतावासकै गाडीमा बाहिरिएका थिए । यसअघिका रअका नेपाल प्रमुख अभिजित अल्दरको तीन वर्षे कार्यकाल सकिएको र भट्नागरले उक्त जिम्मेवारी समालिसकेका छन् । एक हप्ताभित्र उनले पदभार ग्रहण गर्ने बताइएको छ ।
यही बैशाख २७ गते प्रधानमन्त्रीले विश्वासको मत लिने भन्दै संसदको विशेष अधिवेशन बोलाएपछि नेपालको राजनीतिक तत्दै गएको छ ।
कोरोना संक्रमण उच्चबिन्दूमा पुग्दा पनि राजनीतिक पार्टीहरुलाई २७ गतेको परिस्थिति आफ्नो अनुकुलतमा पार्न तीब्र रुपमा लागिरहेका छन् । रअका नयाँ प्रमुख पनि २७ गतेलाई केन्द्रमा राखेर नेपालमा भइरहेको राजनीतिक घटनाक्रमलाई मध्येनजर राख्दै नेपाल आएको बताइएको छ ।
प्रधानमन्त्री केपी शर्मा ओलीले विश्वासको मत प्राप्त गर्न विभिन्न छलफल जारी राखेका छन् । एमालेकै नेता माधव कुमार नेपाल समूहसँग अनौपचारिक रुपमा वार्ता भइरहेको छ । हिजो साँझमात्रै नेपाल समूहका दोस्रो तहका नेताहरु र प्रम ओलीबीच छलफल भएको थियो । ओली र नेपालबीच संवाद गराउने प्रयास जारी नै छ ।
उता प्रमुख प्रतिपक्ष नेपाली काँग्रेस र नेकपा माओवादी केन्द्र प्रधानमन्त्री ओलीलाई विश्वासको मत लिन असफल बनाउने रणनीतिमा छन् । आजै काँग्रेस सभापति शेरबहादुर देउवा र माके अध्यक्ष प्रचण्डबीच छलफल भएको छ । जनता समाजवादी पार्टी यही विषयलाई लिएर फुटको डिलमा पुगेको छ । यस्तो अवस्थामा बीच प्रधानमन्त्री ओलीले विश्वासको मत पाउछन् भन्ने अहिले नै आधार तयार भइसकेको छैन । यही बेला रअ का प्रमुख नेपाल आएका छन् ।
- यस समाचारमा यसअघि असावधानिक बस गलत फोटो पर्न गएकोमा क्षमा चाहन्छौं –सम्पादक
