काठमाडौं । कोरोना भाइरस सबाट संक्रमणबाट भारतमा एक मन्त्रीको ज्यान गएको छ । भारतको उत्तर प्रदेशका सैनिक कल्याण, होमगार्ड र नागरिक सुरक्षा मन्त्री चेतन चौहानको निधन भएको छ ।
पूर्व भारतीय क्रिकेटसमेत रहेका ७२ वर्षीय चौहानको कोरोनाका कारण निधन भएको उनका भाइ पुष्पेन्द्रले पुष्टि गरेको भारतीय संचारमाध्यमहरुले बताएका छन् ।
मन्त्री चौहानलाई १९ जुलाईमा कोरोना संक्रमण पुष्टि भएपछि गुरुग्राम मेदान्ता अस्पतालमा हुँदै आएको थियो । उपचार गर्दा पनि स्वास्थ्य सुधार नभएपछि केही दिनदेखि चौहानलाई कृत्रिम श्वासप्रश्वासको व्यवस्था गरी राखिएको थियो ।
भारतीय प्रधानमन्त्री नरेन्द्र मोदीले मन्त्री चौहानको निधनप्रति दुःख व्यक्त गरेका छन् । मोदीले चौहानलाई शानदार क्रिकेटरको रुपमा स्मरण गर्दै पछि मेहनती राजनेता बनेको बताएका छन् ।
यसैगरी मुख्यमन्त्री योगीले चौहान जति चर्चित खेलाडी र लोकप्रिय नेता भएको बताएका छन् । उनले चौहानको अन्त्येष्टि मंगलबार हुने जानकारी दिएका छन् ।
भारतका पूर्वराष्ट्रपति प्रणव मुखर्जीको पनि स्वास्थ्य अवस्था निधै गम्भीर छ । उनलाई कोमामा लिइएको छ । यसैबीच भारतमा कोरोना संक्रमितको संख्या २६ लाख ४७ हजार नाघेको छ । जसमध्ये ५१ हजार बढीको ज्यान गइसकेको छ । विश्वमा २ करोड १८ लाख २६हजार ४४७ संक्रमितको संख्या पुगेको छ ।
सोमबार विहानसम्म आइपुग्दा विश्वमा कोरोनाका कारण ज्यान गुमाउनेको संख्या ७ लाख ७३ हजार ७२ पुगेको छ । अहिलेसम्म विश्वमा १ करोड ४५ लाख ६४ हजार बढीले कोरोनासँग जितेर घर फर्किएका छन् ।
