काठमाडौं । विश्वमा महारामारीको रुपमा तीब्र गतिमा फैलिरहेको कोरोनाभाइरसबाट मृत्यु हुनेको संख्या २१ हजार नाघेको अन्तर्राष्ट्रिय संचारमाध्यमहरुले जनाएका छन् ।
अन्तर्राष्ट्रिय संचारमाध्यमहरुका अनुसार विश्वभर २१ हजार १ सय ८४ जनाको मृत्यु भएको छ । ४ लाख ६८ हजार ३ सय ५४ जनामा भाइरस संक्रमणको पुष्टि भइसकेको छ ।
त्यसैगरी १ लाख १३ हजार ८ सय १२ जना उपचारपछि घर फर्किएका छन् । कोरोनाबट १९८ देश प्रभावित भएका छन् ।
सबैभन्दा धेरै मानिसको मृत्यु इटालीमा भएको छ । पछिल्लो चौबिस घण्टामा थप ६ सय ८३ जनाको मृत्यु भएको छ । पछि त्यहाँ कोरोनाका कारण मृत्यु हुनेको संख्या ७ हजार ५ सय ३ पुगेको छ ।
इटालीमा दैनिक मृत्युदर निकै डरलाग्दो अवस्थामा छ । हाल ७४ हजार ३ सय ८६ जना सङक्रमित रहेको इटालीमा ९ हजार ३ सय ६२ जना उपचारपछि घर फर्किएका छन् ।
