News Portal

  • हावाहुरीका घाइतेको निःशूल्क उपचार गर्ने सरकारको निर्णय

    २८८ पटक

    काठमाडौँ । हावाहुरीमा परी घाइते भएकाहरुको उपचार सरकारले निःशूल्क गर्ने निर्णय गरेको छ । सोमबार साँझ बसेको मन्त्रिपरिषद् बैठकले सबै घाइतेको उपचार निःशूल्क गर्ने निर्णय गरेको हो ।

    प्रधानमन्त्री निवास बालुवाटारमा बसेको मन्त्रिपरिषद्को आकस्मिक बैठकले घाइतेको उद्धार र उपचारमा कुनै कमी कमजोरी हुन नदिने निर्णय गरेको सञ्चार तथा सूचना प्रविधिमन्त्री गोकुलप्रसाद बाँस्कोटाले जानकारी दिए । उनले घाइते भई अपाङ्गता तथा अशक्त हुने तथा मृतकका परिवारका सदस्यलाई सरकारले यथोचित व्यवस्था गर्ने समेत बताए ।

    बैठकले प्रभावित क्षेत्रमा कुनै पनि रोगको प्रकोप फैलन नदिन औषधिसहितको स्वास्थ्यकर्मीको टोली तुरुन्त परिचालन गर्ने तथा विपद् प्रभावित क्षेत्रमा विद्युत्, खानेपानी, सञ्चारलगायतका अत्यावश्यक सेवा तत्काल सञ्चालन गर्ने बैठकले निर्णय समेत गरेको छ । साथै बैठकले प्रशासनिक निकाय, सुरक्षा अङ्ग, स्थानीय तह, निजी क्षेत्र, सामाजिक संस्था एवं गैर सरकारी संस्थालाई समन्वयात्मकरुपमा परिचालन गरी विपद् प्रभावित क्षेत्रमा उद्धार, राहत र बसोबासको व्यवस्था मिलाउन गृहमन्त्रालयलाई निर्देशन दिएको छ ।

    आइतबार साँझ आएको हावाहुरीले तपाईका बारा र पर्सामा ठूलो जनधनको क्षति पुर्‍याएको छ । अहिलेसम्म २७ जनाको मृत्यु भएको पुष्टी भइसकेको छ । उनिहरुको सनाखत समेत भइसकेको छ भने बाँकी केही हराइरहेका छन् । एक हजारभन्दा बढी घाइते भएका छन् । जसमा ३ सयभन्दा  बढीको गम्भीर प्रकृतिका र अन्यको अवस्था सामान्य रहेको छ ।

    करिब दुई मिनेटसम्म मात्रै चलेको हावाहुरीले यति ठूलो क्षति गरेको नेपालमा पहिलो पटक हो ।

     

     

    प्रतिकृया दिनुहोस्