News Portal

नागरिकताको विवरण ढाँटे वा नदिए जेल सजायको भागिदार हुने

१८० पटक

काठमाडौं । प्रतिनिधिसभाको राज्य व्यवस्था समितिले नागरिकताको विवरण ढाँटेमा विदेशी नागरिकलाई ७ वर्षसम्मको जेल सजाय दिने सहमति गरेको छ ।

समितिको बिहीबार बसेको बैठकले सजायको विषयमा सहमति जुटाएको हो । नागरिकताका विषयमा प्रस्तावित विधेयकभन्दा धेरै नै माथि उठेर सजाय तोक्ने सहमति भएको छ ।

कुनै विदेशी व्यक्तिले नागरिकताको विवरण ढाँटेमा मात्रै उसलाई ५ देखि ७ वर्षसम्म जेल सजाय हुने व्यवस्था छ ।

विदेशीले ढाँटेर नागरिकता लिँदा उसको नागरिकतामा सनाखत गर्ने र सिफारिस गर्ने व्यक्तिका लागि पनि कडा सजाय तोकिएको छ । जसलाई एक वर्षदेखि ३ वर्ष जेल र १ लाखदेखि २ लाख रुपैयाँ जरिबाना तोकिएको छ ।

स्वदेशीले नागरिकताको विवरण ढाँटेमा पनि कारबाहीका लागि कडा कानुन बनाइने भएको छ । यस्तो व्यवस्थामा डेढ वर्ष जेल र १ लाख रुपैयाँ जरिबाना गरिने भएको छ ।

कुनै महिलाले आफ्नो भइरहेको पतिलाई छैन भनी बताएमा वा विदेशीसँग विवाह भए पनि नभएको स्वघोषणा गरेमा ३ वर्षदेखि ५ वर्ष जेल सयाज तोखिएको छ भने ३ लाखदेखि ५ लाख रुपैयाँ जरिबाना तोकिएको छ ।

कुनै व्यक्तिलाई जानीजानी सनाखत गर्न नमान्ने व्यक्तिलाई पनि कडा सजाय दिइने भएको छ । सनाखत गर्न नमानेमा ६ महिनादेखि १ वर्षसम्म जेल सजाय तोकिएको छ ।

प्रतिकृया दिनुहोस्