![](https://onlinedabali.com/wp-content/uploads/2022/06/dipu-nepal.jpg)
काठमाडौँ । नेपाल वायुसेवा निगमको जिम्मेवारी वरिष्ठ पाइलटको काँधमा आएको छ । सरकारले निगमको महाप्रवन्धकमा दीप ज्वारचनलाई नियुक्त गरेको थियो । आजै ज्वारचनले पदभार ग्रहण गरेका छन् । उनलाई असार ६ गतेको मन्त्रिपरिषदले नियुक्त गरेको थियो ।
संस्कृति, पर्यटन तथा नागरिक उड्डयन मन्त्रालयले ज्वारचनलाई नियुक्ती गरिएको पत्र दिएको थियो । मन्त्रालयले नेपाल वायुसेवा निगम २०१९ को दफा १२ बमोजिम अस्थायी नियुक्त गरेको जनाएको छ । सरकारले युवराज अधिकारीलाई निलम्बन गरेसँगै निगमको नेतृत्वविहीन बनेको थियो ।
पदभार ग्रहण गर्दै ज्वारचनले सबैबाट पूर्ण सहयोग अपेक्षा गर्दै आफूले अल्पकालीन, मध्यकालीन र दीर्घकालीन योजना ल्याउने बताए । यसको कार्यान्वयन गर्न रणनीति तथा कार्ययोजना बनाएर सबैको साथ लिएर अगाडि बढ्ने प्रतिबद्धता समेत जनाए ।