अनलाइन डबलीहेटौँडा । मेडिकल व्यवसायी दुर्गा प्रसाईँले रवि लामिछानेले जीवी राईलाई मलेसियामा लुकाएर राखेको बताएका छन् ।
हेटौँडामा आफ्ना समर्थकलाई सम्बोधन गर्दै प्रसाईले लामिछानेले सहकारी समस्या समाधान गर्छु भन्नू हास्यास्पद भएको समेत बताए ।
त्यसैगरी प्रसाईले राप्रपाले राजा ल्याउँछ भनेर आश गर्नु बेकार भएको बताए । उनले राप्रपाले राजा देखाएर राजनीति मात्र गरेको दाबी गरे ।
“राप्रपाले राजा ल्याइदिन्छ, हिन्दु राज्य ल्याइदिन्छ भनेर आश नगर्नुस्, म राजा देखाएर हिन्दु धर्म देखाएर सत्तामा जाने मान्छे हैन” प्रसाईले भने । उनले राप्रपालाई ‘राजवादी हुँ’ भन्दै हिँडेर नाटक नगर्न अनुरोध समेत गरे ।
त्यसैगरी एमालेले गाउँ गाउँ लघुवित्त छिराएर हरेक नागरिकलाई रुने बनाएको बताए ।
