अनलाइन डबली
काठमाडौँ । बझाङमा दोस्रो पटक शक्तिशाली भूकम्प गएको छ । पहिले भन्दा दोस्रो पटक ६.३ रेक्टर स्केलको भूकम्प गएको हो । मंगलबार दिउँसो ३ बजेर ६ मिनेट जाँदा बझाङको चैनपुर केन्द्रबिन्दु भएर दोस्रो पटक भूकम्प गएको छ ।
राष्ट्रिय भूकम्प मापन केन्द्रका प्रमुख लोकविजय अधिकारीका अनुसार त्यसअघि दिउँसो २ बजेर ४० मिनेटमा पनि बझाङकै तालकोट आसपास केन्द्रबिन्दु भएर ५.३ म्याग्निच्यूडको भूकम्प गएको थियो । हालसम्म भूकम्पबाट भएको क्षतिको कुनै विवरण प्राप्त भइसकेको छैन ।
सामाजिक संजालमा स्थानीयले पोष्ट गरेका फोटोहरु हेर्दा ठूलो क्षति भएको हुन सक्ने देखिएको छ । भूकम्पले सुदूरपश्चिमसँगै कणाली प्रदेशसम्म पनि ठूलो धक्काको महशुस गरिएको छ ।
