हिजो म जन्मिन नौ नौ महिना पर्खिनु भयो !
आज तपाईं मृत्युको चिहानमा पर्खिनु
छोरो डलरले किनेको कात्रो लिएर
तपाईंको चितामा दागबत्ती दिन
पेलेन चढी सक्यो !
कालले नपर्खेर के भो
तपाईं आफ्नो सन्तानका लागि पर्खिनु
मैले तपाईंको अन्तिम बिदाइमा फर्किन सकिन
बस तपाईं मलाई आर्यघाटमा पर्खिनु !
सँगै बस्न गरीबीले दिएन
विदेश जान मन थिएन !
म देशले नै विदेश पठाएको छोरो हुँ!
बुबा एक दिनमात्र पर्खिनु
म ओर्लिसके अन्तर्राष्ट्रिय विमानस्थल !
बुवा तपाईं पर्खिरहनु !