अनलाइन डबली
काठमाडौँ । सत्तारुढ दलहरूको सरकारमा सहभागी हुने मन्त्रीहरूको नाम टुंगोलगाएका छन् । आज मंगलबार माओवादी, एमाले , राष्ट्रिय स्वतन्त्र पार्टी र राष्ट्रिय प्रजातन्त्र पार्टीले सरकारमा सहभागी हुने मन्त्रीको नाम टुंग्याएका हुन् ।
नेकपा एमालेबाट डा. विमला राई पौडेल परराष्ट्र, पदम गिरी स्वास्थ्य, भगवती चौधरी र हरि उप्रेती मन्त्री बन्ने लगभग पक्का भएको छ ।
यसै गरि नेकपा माओवादी केन्द्रले भौतिक पूर्वाधार, सञ्चार, पर्यटन र संघीय मामिला तथा सामान्य प्रशासन पाएको छ । जसमा नारायणकाजी श्रेष्ठ यसअघि नै भौतिक पूर्वाधार मन्त्रालयको जिम्मेवारी पाईसकेका छन् ।
त्यस्तै सञ्चारमन्त्रीमा माओवादी बात रेखा शर्मालाइ प्रस्ताव गरिएको छ , भने सुदन किरातीलाई संस्कृति, पर्यटन तथा नागरिक उड्डयन मन्त्री बनाउने सहमति भएको छ । त्यस्तै सङ्घीय मामिला तथा सामान्य प्रशासनमन्त्रीमा अमनलाल मोदीलाई बनाउनेमा एकमत भएको एक नेताले जानकारी दिए ।
यसै गरि आजै राष्ट्रिय स्वतन्त्र पार्टीले बिहान बसेको संसदीय दलको बैठकले मन्त्रीहरूको नाम आजै टुंग्याएको छ ।
रास्वपाबात तोसिमा कार्की स्वास्थ्य तथा जनसंख्या राज्यमन्त्री तय भएको छ , भने भागमा आएको दुई मन्त्रालयमध्ये श्रम मन्त्रीमा डोलप्रसाद अर्याल र शिक्षा मन्त्री शिशिर खनाल चयन भएका छन् ।
सरकारमा समर्थन रहेका अर्को दल राष्ट्रिय प्रजातन्त्र पार्टी राप्रपाले मन्त्रीहरूको नाम टुंगो लगाएको छ । उपप्रधानसहित ऊर्जामन्त्रीमा राजेन्द्र लिङ्देन, कानुनमन्त्रीमा ध्रुबबहादुर प्रधान र सहरी विकास मन्त्रीमा विक्रम पाण्डेको नाम सहमति भएको बुझिएको छ ।
