काठमाडौं । दोलखाको भीमेश्वर नगरपालिका-२ तिखातलमा गए राति स्काभेटर दुर्घटना हुँदा एकको ज्यान गएको छ भने ३ जना घाइते भएका छन् ।
गए राति १० बजेको समयमा चरिकोटबाट दोलखा बजार जाने क्रममा स्काभेटर दुर्घटना हुँदा दोलखा जिल्ला बिगु गाउँपालिका-८ खोपाचागुका २२ वर्षिय राजु थामीको ज्यान गएको प्रहरीले जनाएको छ ।
दुर्घटनामा परी ३ जना गम्भीर घाइते भएका छन् । घाइते हुनेमा भिमेश्वोर नगरपालिका-२ का १६ वर्र्षिय सुमन थामी, बिगु गाउँपालिका-७ का २७ वर्षिय विजय श्रेष्ठ र स्काभेटर चालक कालीञ्चोक गाउँपालिका-४ का २२ वर्षिय राजकुमार थामी रहेका छन् ।
उनीहरुको काठमाडौँको ग्राण्डी र शिक्षण अस्पतालमा उपचार भइरहेको छ । तीव्र गतिका कारण स्काभेटर अनियन्त्रित भई सडकबाट करिब १०० मिटर तल खसेको प्रहरीले जनाएको छ ।
