काठमाडौं । काठमाडौं, ललितपुर र भक्तपुरका मेयर तथा उपमेयरहरूको फोरमले उपत्यका विकास प्राधिकरण खारेजीको माग दोर्होएका छन् ।
स्थानीय स्वायत्त शासन नियमावली, २०५६ सँग बाझिएकाले प्राधिकरण खारेज गर्न माग गरिएको हो । १८ वटा नगरपालिकाका मेयर र उपमेयर सहभागी रहेको बैठक पछि हिजो भक्तपुरमा पत्रकार सम्मेलन गरेर उनीहरुले ६ बुँदे निर्णयसमेत सार्वजनिक गरेका छन् ।
स्थानीय स्वायत्त शासन ऐनको परिच्छेद ३ मा नगर परिषदको काम, कर्तव्य, अधिकार र समितिले स्थानीय क्षेत्रको पूर्वाधार र संरचना विकास समिति बनाउन सक्ने उल्लेख छ ।
ऐनको दफा ९४ को उपदफा (३) को प्रयोजनको लागि नगर परिषदले कुनै एक सदस्यको अध्यक्षतामा ३ सदस्यीय विषयगत समिति बनाउन सक्ने भएकाले प्राधिकरणको औचित्य नरहेको फोरमको दाबी रहेको छ ।
