काठमाडौं । नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ ले भारतले भारतले गरेको हस्तक्षेप स्वकार्य नहुने बताएका छन् ।
प्रेस संगठन नेपालले गरेको पत्रकार सम्मेलनमा बोल्दै उनले भारतले लिपुलेक आफ्नो नक्शामा राखेको हो भने यो कुनै पनि हालतमा शैह्य नहुने बताए ।
‘यसबारेमा मैले पूर्ण रुपमा बुझन पाएको छैन । तर, भारतले यस किसमको काम गरेको छ भने त्यो कदापी शैह्य हुँदैन । उनले भने ‘ सीमाका विषयमा हामि कुनै पनि किसमको सम्झौता गर्ने पक्षमा छैंनौं । ’
आफू भारत भ्रमणमा गएको बेला प्रधानमन्त्री नरेन्द्र मोदीसित प्रष्टरुपमा लिपुलेकबारे असहमति राखेको उल्लेख गर्दै उनले चीन र भारतबीच असहमती राख्दाराख्दै पनि भारतले एकतर्फी निर्णय गरेको भए यसको कूटनीति र राजनीतिकरुपमा प्रतिवाद गर्ने बताए ।
‘भारत भ्रमणका क्रममा प्रधानमन्त्री मोदीसंग यस विषयमा मैले स्पष्ट कुरा राखेको थिएँ । ’ उनले भने ‘तर भारतले फेरि पनि एकतर्फी हस्तक्षेप गरेको मान्य हुँदैन । सरकारले तत्काल यस विषयमा कुटनैतिक पहल गर्नेछ ।’ अर्को प्रसंगमा बोल्दै उनले हालको सरकार परिवर्तन हुने हल्ला निराधार भएको दाबी गरे ।
जनताले दुइ तिहाइ मत दिएर पठाएको सरकारले ५ वर्ष अविचलित रुपमा काम गर्ने उनको भनाई थियो । ‘सरकार परिवर्तन हुने र म प्रधानमन्त्री हुने भन्ने हल्ला निराधार हो । हल्लाका पछि नलाग्दा हुन्छ । ’ उनले भने ‘सरकार ५ वर्षसम्म परिवर्तन हुँदैन ।’ दाङ प्रदेशकै केन्द्रका रुपमा रहेको भन्दै उनले राजधानीका सवालमा पनि दाङ केन्द्र बन्न सक्ने बताए ।
