काठमाडौं । दुईदिने नेपाल भ्रमणको लागि चिनियाँ राष्ट्रपति भारतको चेन्नाइबाट नेपालका लागि नेपालीको लागि उडिसकेका छन् । नेपाली समयअनुसार राष्ट्रपति सी ४ः५५ बजे त्रिभुवन अन्तर्रा्ष्ट्रिय विमानस्थलमा अवतरण गर्ने भएका छन् ।
राष्ट्रपति सीको स्वागतका लागि राष्ट्रपति विद्यादेवी भण्डारी र प्रधानमन्त्री केपी शर्मा ओली एयरपोर्ट पुग्नेछन् । विमानस्थलमा राष्ट्रपति सीलाई नेपाली सेनाले २१ तोपको सलामी दिनेछ । राष्ट्रपति सलामी र स्वागत पछि सोल्टी होटल प्रस्थान गर्नेछन् ।
केही समय आराम गरेपछि सी राष्ट्रपति भवन शीतल निवास जानेछन् । त्यहाँ नेपाली समकक्षी राष्ट्रपति विद्यादेवी भण्डारीसँग भेटवार्ता हुने कार्यक्रम तय भएको छ ।
राष्ट्रपति भण्डारीसँग आधा घण्टासम्म भेटवार्ता हुनेछ । त्यसपछि सी पुनः सोल्टी होटल फर्किने छन् । राष्ट्रपति सीले त्यसपछि प्रमखु प्रतिपक्षी नेपाली काँग्रेका सभापति शेरबहादुर देउवासँग भेटवार्ता गर्नेछन् । राष्ट्रपति भण्डारी पछि सीको देउवासँगको भेट पहिलो हुनेछ । देउवाको लागि सीले ७ मिनेट छुट्याएका बताइएको छ । त्यसपछिको भेट राष्ट्रिय सभाका अध्यक्ष गणेश तिमिल्सिनासँग हुनेछ ।
दुबै भेट सकेर सी रात्रिभोजमा सहभागी हुनेछन् । भोज ७ बजेबाट सुरु भएर राति ९ बजेसम्म चल्नेछ । त्यसक्रममा विभिन्न राजनीतिकसँगै कुटनीति र सुरक्षासँग सम्बन्धित व्यक्तित्वसँग सीले परिचयसँगै छोटो कुराकारी गर्नेछन् ।
