सुर्खेत । कर्णाली प्रदेशमा नेपाल स्क्वास राकेट्स संघ गठन गरिएको छ । आइतबार सुर्खेत स्थित निर्माणाधिन प्रदेश रंगशालास्थित खेलकुद परिषद्को कार्यालयमा चन्द्र कुमार गिरीको अध्यक्षतामा ११ सदस्यीय स्क्वास राकेट्स संघ गठन गरिएको हो ।

संघको उपाध्यक्षमा शेर बहादुर जिसी,सचिवमा जगत प्याकुरेल, कोषाध्यक्षमा विनोद बोहोरा रहेका छन् । सदस्यहरुमा यज्ञ बहादुर गुरुङ,प्रयागराज दाहाल, भुवन सिंह ठकुरी, लक्ष्मी केसी,विनभ शाही र झलनाथ राना रहेका छन् ।

एक जनालाई पछि मनोनयन गरिने अध्यक्ष गिरीले जानकारी दिए । कर्णाली प्रदेश खेलकुद विकास परिषद्का सदस्य सचिव विश्वामित्र संज्यालको प्रमुख आतिथ्यता तथा नेपाल स्क्वास राकेट्स संघका केन्द्रिय अध्यक्ष धुर्व बहादुर गुरुङ र उपाध्यक्ष रुपकदास ताम्राकारको विशेष आतिथ्यता नेपाल स्क्वास संघ गठन गरिएको हो ।

कर्णाली प्रदेशमा मंसीरमा हुने दशौं राष्ट्रिय खेलकुद प्रतियोगितमा समेत स्क्वास खेल समावेश गरिने गरि तयारी गरिएको संघका कर्णाली प्रदेश सचिव जगत प्याकुरेले जानकारी दिए । उनका अनुसार कर्णाली प्रदेशको निर्माणाधिन प्रदेश रंगशाला परिसरभित्रै स्क्वास कोर्ट समेत निर्माण गरिदैछ ।