चितवन ।

पहिलो अन्तर प्रदेश राष्ट्रिय खेलकुद प्रतियोगिता अन्तर्गत ब्याडमिन्टनको टिम इभेन्टमा कर्णालीलाई  रजत र कास्य पदक प्राप्त भएको छ । कर्णालीलाई महिला तर्फको टिम इभेन्टमा एक रजत र पुरुष तर्फको टिम इभेन्टमा एक कास्य पदक प्राप्त भएको  टिम म्यानेजर सुरज डि.सि.ले बताए ।

सोमबार चितवनको कभर्डहलमा भएको महिला तर्फको टिम इभेन्टमा कर्णालीकी दिपिका रोकाय र निशा सिंहले दोस्रो स्थान हासिल गर्न सफल भइन् । उनीहरु फाइनलमा कोशी प्रदेशका खेलाडीहरुसंग पराजीत हुन पुगे ।

त्यस्तै पुरुष तर्फको टिम इभेन्टमा कर्णालीका अनिल मल्ल र जित प्रसाद लामिछानेको जोडीले कास्य पदक प्राप्त गरेको कोच नगेन्द्र बहादुर थापाले जानकारी दिए ।