अनलाइन डबली
काठमाडौं । नेपाल ए ले आयरल्याण्ड ए माथि रोमाञ्चक जित हात पारेको छ । तेस्रो टी–२० खेलमा नेपाली टोलीले दिएको लक्ष्य नपुग्दै आयरल्याण्ड ए ले निर्धारित २० ओभरमा ७ विकेट गुमाउन पुग्यो । नेपालले ३ रनको रोमाञ्चक जित हात पारेपनि तीन खेलको सिरिज भने २–१ ले गुमाएको छ ।
नेपालले दिएको २१४ रनको लक्ष्यलाई पछ्याएको आयरल्याण्डले २१० रनमै सिमित भयो । आयरल्याण्डका ग्यारेथ डेलानीले ३७ बलमा ५ चौका र ५ छक्कासहित सर्वाधिक ६८ रन बनाए । मोर्गन टोपिङ ३७ बलमा ४ चौका र ४ छक्कासहित ६० रनमा पवन सरार्फबाट लङअनमा क्याच आउट भए ।
एक समय ७.१ ओभरमा ५२र४ को अवस्थामा पुगेको आयरल्याण्डलाई पाचौं विकेटका लागि मोर्गन र ग्यारेथ डेलानीले १२९ रनको शानदार शतकीय साझेदारी गर्दै जितको आशा कायम राखेका थिए । आयरल्याण्ड ए का ओपनर रस आडैरले १४ बलमा ५ चौका र १ छक्कासहित ३१ र तथा फिन ह्यान्ड २२ रनमा आउट भए । अन्तिम ओभरमा २० रन चाहिँदा राशिद खानले १६ रन खर्चेर १ विकेट लिँदै नेपाललाई रोमान्चक जित दिलाए ।
नेपालको जितमा विपिन खत्रीले ४ ओभरमा १ मेडनसहित २३ रन खर्चेर ३ विकेट लिए । नारायण जोशी, कमलसिंह ऐरी र रासिद खानले १र१ विकेट लिए ।
त्रिवि क्रिकेट मैदानमा टस हारेर पहिला ब्याटिङ गरेको नेपालले २० ओभरमा ७ विकेट गुमाउँदै २१३ रन बनाएको थियो ।
