काठमाडौँ । विद्युत प्राधिकरणको ३५ औं वार्षिककोत्सवका अवसरमा नेपाल बिद्युत प्राधिकरणका कार्यकारी निर्देशक कुलमान घिसिङले गुणस्तरीय विद्युत् सेवा दिन तथा उज्यालो नेपालको संवाहकको रूपमा अहोरात्र खट्ने प्रतिबद्धता जाहेर गरेका छन् ।
त्यस्तै विद्युत प्राधिकरण २ बर्षदेखि सबैभन्दा बढी नाफा कमाउने सार्वजनिक संस्थान भएको उल्लेख गर्दै उनले भने समय र परिस्थितिको मागअनुसार संगठन संरचनालाई पुनर्संरचना गर्दै आफ्नो व्यवसायलाई अझ प्रभावकारी र सेवामूलक बनाउन कटिबद्ध रहने बताए ।
प्राधिकरणको कार्य प्रणालीलाई अटोमेसन गर्ने तथा संस्थालाई डिजिटाइजेसन गर्ने कार्यलाई उच्च प्राथमिकता दिइने पनि बताए । त्यस्तै प्राधिकरणले दिने सेवामा प्रभावकारिता र गुणस्तरीय ल्याउने त्यस्तै देशभित्र गने उत्पादित विद्युत् खेर नजाने गरी बिक्री गर्ने व्यवस्था मिलाउने प्रतिबद्धता पनि जाहेर गरेको छन् ।
त्यस्तै विद्युत् प्राधिकरणमा कुलमान घिसिङको अझैं आवश्यकता भएको भन्दै अर्को कार्यकाल पनि दिनुपर्ने माग उठेको छ । प्राधिकरणको ३५ औं वार्षिकोत्सवको अबसरमा बोल्ने बक्ताहरुले अर्को कार्यकाल पनि घिसिङलाई दिनुपर्ने माग गरेका हुन् ।
कार्यक्रममा बोल्दै आधिकारिक ट्रेड युनियन राष्ट्रिय कर्मचारी युनियनको संयोजक रामेश्वर पौडेलले विद्युत प्राधिकरणलाई घिसिङको अझै आवश्यकता भएको भन्दै दोस्रो कार्यकालको लागि निरन्तरता दिनुपर्ने माग गरे । उनले घिसिङको ४ वर्षे कार्यकालमा देश लोडसेडिङमुक्त मात्रै नभएर प्राधिकरण घाटाबाट नाफामा गएको बताए ।
संयोजक पौडेलले कुलमानकै नेतृत्वमा प्राधिकरणको कर्मचारी हुँ भनेर छाती फुलाइएर हिँड्नसक्ने अवस्था आएको भन्दै अझै थप काम बाँकी रहेकोले सम्पूर्ण कर्मचारीले घिसिङकै निरन्तरताको पक्षमा रहेको बताए । उनले ऊर्जामन्त्रीमा वर्षमान पुन र प्राधिकरण नेतृत्वमा घिसिङलाई नै निरन्तरता दिन सरकारसँग माग समेत गरे ।
