काठमाडौं । मन्त्रिपरिषद् बैठक चलिरहेको बेला एकाएका बिरामी परेका आइभरीकोस्टका प्रधानमन्त्री एमाडोउ गन कोलाबालीको निधन भएको छ । मन्त्रिपरिषद् बैठकमै छाती दुख्यो भनेका कालावालीले लगत्तै निधन भएको हो ।
अन्तर्राष्ट्रिय संचारमाध्यमहरुका अनुसार प्रधानमन्त्री कालाबालीले कोरोना भाइरस नियन्त्रणलगायतका विषयमा छलफल गर्न मन्त्रिपरिषद् बैठक बोलाएका थिए । बैठक चल्दै गर्दा छाती दुखेको बताएका प्रधानमन्त्री कालाबालीको मन्त्रिपरिषद् बैठक सकिने बितिकै उपचारको लागि अस्पताल पुर्याइएको थियो । तर, अस्पतालले मृत घोषणा गर्यो ।
लामो समयदेखि मुटु समस्याबाट पीडित कोलाबाली फ्रान्समा दुई महिना लगाएर मुटुको उपचार गरी हालै स्वदेश फर्केका थिए । प्रधानमन्त्री कोलाबालीलाई सत्तारुढ पार्टीले आउँदो अक्टोबरमा हुने राष्ट्रपति चुनावका लागि आफ्नो उम्मेदवार बनाउने घोषणा गरेको थियो ।
यसैबीच, आइभरीकोष्टका राष्ट्रपति एलासानी ओटाराले प्रधानन्त्री कोलाबालीको निधनले देश शोकमा रहेको बताएका छन् । सन् २०१२ मा कोलाबालीको मुटु प्रत्यारोपण भएको थियो । मुटुको समस्या भएपनि कोरोना संक्रमण भए नभएको पत्ता लगाउन परीक्षण गरिने अन्तर्राष्ट्रिय संचारमाध्यमहरुले बताएका छन् ।
