काठमाडौं । नेपालमा कोरोना भाइरसबाट संक्रमितको संख्या एक सय नाघेको छ । विहीबार कपिलवस्तु दुई जना नयाँ संक्रमित भेटिएसँगै संख्या १ सय १ पुगेको हो ।

राष्ट्रिय जनस्वास्थ्य प्रयोगशाला टेकुमा गरिएको परीक्षणमा कपिलवस्तुका १६ र २२ वर्षका पुरुषमा कोरोना संक्रमण भएको पुष्टि भएको हो ।

विहीबार साँझ स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले विज्ञप्ति जारी गरेर नयाँ संक्रमित भेटिएको जानकारी दिएका छन् । दुबै जना स्वास्थ्यकर्मीको सम्पर्कमा रहेको र अवस्थामा सामान्य रहेको अधिकारीले बताएका छन् ।

कपिलवस्तुमा पहिलो पटक कोरोना संक्रमित भेटिएका हुन् ।