काठमाडौँ । स्वास्थ्य सामाग्री खरिदको लागि सरकारले दोस्रो पटक गरेको सम्झौताको समय सीमा भित्र सामान उलब्ध गराउन असफल भएका छन् । सरकारले स्वास्थय सेवा विभागमार्फत दोस्रो पटक तीनवटा कम्पनीसँग सामान खरिद गर्ने गरी सम्झौता गरेको थियो ।
सम्झौताको अवधि बैशाख १९ गते शुक्रबार सकिँदा पनि सरकारलाई तीनवटै कम्पनीले सामान दिन दिएनन् । तर, उनीहरुले कालोबजारी गरेर बजारमा बेचिरहेको छन् । यस विषयमा अनलाइन डबलीसँग विभागको व्यवस्थापन महाशाखाका निर्देशक भोगेन्द्र डोटेलले तीनवटै कम्पनीले सम्झौताअनुसारको सामान उपलब्ध गराउने समय शुक्रबार सकिएको बताए । आज (शनिबार) बिदा भएकोले आइतबारसम्म कुर्ने बताए ।
सम्झौता गरिएका कम्पनीले चीनबाट सामान ल्याएर बजारमा बेचिरहेको भन्ने भन्ने जिज्ञासामा डोटेलले यदि सरकारलाई नदिएर बजारमा बेच्नु अपराध भएको बताउँदै पुष्टि भए कारवाही गर्ने बताए । “सरकारसँग सम्झौता गर्ने तर सामान नदिने तर बजारमा बिक्री गर्नु भनेको अपराध नै हो, यसबारे हामीलाई सुचना दिनुहोला कारवाही गर्छौ” डोेटेलले भने । उनले संकटको बेला झन छिटो सामान ल्याउन सरकारले आवश्यक सहयोग गरेको बताए ।
ओम्नी ग्रुपसँगको कमिसन आधारमा महंगोमा सम्झौता गरिएको भन्दै चौतर्फी विरोध भएपछि सरकारले उक्त सम्झौता रद्द गरेको थियो । त्यसपछि बसेको मन्त्रिपरिषद बैठकले नेपाली सेनालाई स्वास्थ्य सामाग्री खरिदका जिम्मा दिएको थियो । तर, पुनः विभागले चैत्र २६ गते अर्को टेण्डर आह्वान गर्यो । सोहीअनुसरा चैत्र ३० गते टेण्डर खोलेको थियो । प्रस्ताव पेश गर्नेमध्ये ओम सर्जिकल, हाम्रो मेडि कन्सर्न र लुम्बिनी हेल्थ केयरसँग सरकारले सम्झौता गरेको थियो ।
निर्देशक डोटेलका अनुसार सम्झौतामा दुई हप्ताको समय तोकिएको थियो । उक्त समय बैशाख १९ गते शुक्रबार सकिएको छ ।
भन्सार र विमानमा सहुलियत पाएका तीनवटै कम्पनीले चीनवाट सामान ल्याएपनि सरकारलाई नदिएर बजारमा महंगोमा बेचिरहेका छन् । सबैभन्दा बढी सामान रामशरण भण्डारी संचालक रहेको ओम सर्जिकलले तीन पटक गरी करिब ५० करोडको सामान भित्र्याइसकेको छ तर सरकारसँग सम्झौता गरेअनुसारको समान नदिएर बजारमा महंगोमा बेचिरहेको छ ।
यो पनि पढ्नुहोस्
