News Portal

  • निजगढ अन्तर्राष्ट्रिय विमानस्थलको काम अझै टुंगिएन

    २९३ पटक

    काठमाडौं । निजगढ अन्तर्राष्ट्रिय विमानस्थल अहिलेसम्म चर्चामै सीमित रहेको छ ।

    आयोजना निर्माणपूर्वका तयारीका काम नै अगाडि बढ्न नसक्दा विमानस्थलको काम अघि बढ्न नसकेको हो ।

    संस्कृति, पर्यटन तथा नागरिक उड्डयन मन्त्री मन्त्री योगेश भट्टराईले आयोजनाको श्लिान्यास मंसिरभित्र गर्ने अभिव्यक्ति दिए पनि गति दिन सकिएको छैन ।

    त्यहाँको सुकुम्बासी वस्ती स्थानान्तरणकोसमेत योजना तयार हुन सकेको छैन । मन्त्रालयका अनुसार, आयोजनास्थलमा रहेका रूख कटानको खाका तयार भई अहिले मन्त्रालयमा छलफलको चरणमा छ ।

    वन मन्त्रालयले रूख कटान आदेश भने दिसकेको छैन । निर्माणको मोडालिटीमा पनि अझै अन्यौल रहेको र लगानी बोर्डसँग पनि छलफल जारी रहेको छ ।

    मन्त्रालयले विमानस्थलको साइट कार्यालय र पहिलो चरणको काम अघि बढाउन करिब १ लाख ९५ हजार ५ ठूला र ५ लाख ७५ हजार २ सय ८६ साना गरी कुल ७ लाख ७० हजार २ सय ९१ रूख कटानको प्रक्रिया अघि बढाइ दिन गत असारमा वन मन्त्रालयसमक्ष प्रस्ताव पेस गरेको थियो ।

    उक्त प्रस्तावबारे वन मन्त्रालयले अहिलेसम्म औपचारिक धारणा सार्वजनिक गरेको छैन । यो आयोजनाको चर्चा २०५०-५१ सालबाटै सुरु भएको हो ।

    प्रतिकृया दिनुहोस्