बागलुङ । गुल्मीबाट कुलपुजाको लागि बागलुङको देविस्थान जाँदै गरेको जिप दुर्घटनाका मृतकहरुको नाम खुलेको छ ।
मंगलबार बिहान ग १ ज ५२१९ नं.को जिप बडिगाड गाउँपालिका-७ घोपर्नामा दुर्घटना हुँदा १४ जनाको घटनास्थलमै मृत्यु भएको छ । दुर्घटनामा चालकसहित १४ जनाको मृत्यु भएको इलाका प्रहरी कार्यालय बुर्तिबाङका प्रमुख सुरज खड्काले जानकारी दिए ।
जिपमा सवार १८ मध्ये ९ महिला, ४ पुरुष र एक बालकको घटनास्थलमै मृत्यु भएको छ । दुर्घटनामा एक जना पुरुष, एक जना महिला र एक जना शिशु घाइते छन् । उनीलाई उपचारका लागि काठमाडौं ल्याइँदैछ ।
मृत्युहुनेमा रेशम थापा (चालक) २५ वर्षिय गुल्मी इस्मा गाउँपालिका ५ का माया थापा २३ वर्षिय गुल्मी इस्मा गाउँपालिका ५ वसुन्धरा कार्की, ४० वर्षिय इस्मा गाउँपालिका ।
त्यस्तै झुमा कार्की, नवलपरासी वर्दघाट, लक्ष्मी केसी, ५५ वर्षिय बागलुङ बडिगाड ५, सीता कार्की, ४० वर्षिय इस्मा ५ गुल्मीका, तुलसी कार्की, इस्मा भूमि कार्की ४५ वर्षिय इस्मा, मीना कार्की २५ वर्षिय इस्मा गुल्मी, धनबहादुर कार्की इस्मा गुल्मी, झवि कार्की, ४० वर्षिय इस्मा गुल्मी, सुचना कार्की र अन्दाजी ५ वर्षिय बालिकासहित एक जनाको परिचय खुलेको छैन ।
घाइतेहरू जीवन कार्की नवलपरासी वर्दघाट,–नीमा कार्कीखत्री रोल्पा घर इस्मा माइती, हमाल कार्की इस्मा गुल्मीका रहेको प्रहरीको भनाइ छ ।
