धनगढी । ‘यौनकाण्ड’ बाहिरिएसँगै निवार्तमान सभामुख कृष्णबहादुर महरा प्रहरी हिरासतमा छन् । उनको बयन चलिरहेको छ ।
सत्तारुढ (नेकपा)का नेता समेत रहेका महराले बलात्कार अभियोगको सामना गरिरहेको बेला अर्का एक नेताको ‘परस्त्रीकाण्ड’ सार्वजनिक भएको छ । (नेकपा)का युवा नेता तथा कैलाली पार्टी अध्यक्ष रतन थापाले परस्त्रीसँग गरेको अश्लील फोन संवाद बाहिरिएको हो । थापाले ती महिलालाई डार्लिङ भन्दै सम्बोधन गरेका छन् । उनले आफ्नो उनीभन्दा अरु कोही साथी नभएको भन्दै लामो फोन संवाद गरेका छन् ।
थापाः भन डार्लिङ ।
महिलाः किन फोन काटेको ?
थापाः छोरा आएको थियो बोलाउन त्यसैले फोन काटेको के । घर नजिकैको होटलमा अलिअलि खाँदैछु ।
महिलाः बुढी कता छन ?
थापाः बुढी घरमै छिन ।
माथिको संवादको अंश अध्यक्ष थापा र ती महिलाबीचको हो । सुदूरपश्मि प्रदेश सभाका सदस्य समेत रहेका थापा रक्सी पाटीमा भएको अडियोबाट प्रष्टै हुन्छ । उनी आफूले पनि प्रेमीकासँग फोनमा पनि भनेका छन् । उनले प्रेमीकासँगको कुराकानीलाई रक्सीपाटीमा सहभागी अन्यसँग फुर्ती समेत लगाएका छन् । उनले ती महिला अर्बपति भएको र आफूले बोलाएको बेला हवाइजहाजको टिकट काटेर भेट्न आउने गरेको समेत बताएका छन् ।
सांसद थापाका दुईवटी श्रीमती र पाँच सन्तान छन् । जेठीलाई अलपत्र पारेर कान्छीलाई विवाह गरेको आरोप थापालाई लाग्दै आएको थियो ।
फोन संवादमा महिलाले रक्सी खाएको बेला मात्रै याद आयो भनेर नहुने भन्दै व्यवहारमा पनि देखाउनु पर्ने बताउँछिन् । त्यसको जवाफमा सांसद थापाले “मेरो जीवनमा तिमी बाहेक अरु कोही छैन । तिमीसंग हुनुपर्ने सबै भइसकेको छ अब फेरि कस्तो माया गर्ने ।”
फेरि महिला भन्छिन्– “माया भनेको त्यत्ति मात्रै हो र ? म हजुरले बोलाएको बेला सधै आउँछु हजुर आउनु हुन्न ।” त्यसपछि अध्यक्ष थापा भन्छन्,“हजुर जस्तो जहाजमा आइरहने पैसा मसित कहाँ छ, …एकैछिन पछि फेरि भन्छन्, ल ल हजुर जैले भनिबक्सिन्छ म आउछु ।” ती महिलाले फेरि भन्छिन्, – “म भोलिनै आउनु भन्छु ।” त्यसमा सांसद थापाले भन्छन्, “ल ल टिकट पाए भोलि नै आउछु ।”
सुन्नुस् संवाद
https://www.facebook.com/onlinedabali/videos/539459026856219/
संवादकै क्रममा सांसद थापाले आफू साथीहरुसित छु भन्दै थापाले सबै चिज गरिसकेको छु अब कस्तो माया चाहियो भन्दा महिलाले फोन काट्छिन् । फेरि थापाले रक्सी पाटनरसित भन्छन्, “महिलाहरु आफ्ना कुरा खोल्दा यस्तै गरेर रिसाउछन् । यो महिला अरबपति छ, नेवार समुदायकी हो, निक्कै राम्री पनि छ ।
यिनीहरुको अष्ट्रेलियातिर समेत कारोबार छ । श्रीमान छैन, एक छोरी छ । मैले नेपालगञ्ज आउ भन्ने बित्तिकै काठमाडौबाट जहाजको टिकट काटेर आइहाल्छ ।”
फोन संवादमा ती महिलाको रुपैयाँ ब्याजमा लगाउने कुरा पनि भएको छ । थापाले आफूले ब्याजमा लगाइदिने आवश्वासन दिन्छन् ।
ती महिलाले दोहोर्याएर आफूलाई माया नगरेको कुरा गर्छन् तर सांसद थापाले भने आफूले माया गरेको भन्दै विश्वास दिलाउन कोसिस गर्छन् ।
सांसद थापाकी कान्छी श्रीमती पनि राजनीतिमै छन् । गत स्थानीय तहको निर्वाचनमा उनी लम्की चुहा नगरपालिकाको उपमेयरमा निर्वाचित भएकी छन् ।
यस विषयमा कुरा अनलाइन डबलीसँग कुरा गर्दै अध्यक्ष थापाले आफूले यस्तो कसैसँग कुरा गरेको स्मरण नभएको बताए । उनले भ्वाइस आफ्नो भए नभएको बारे अनुसन्धानको लागि अडियो काठमाडौं पठाएको समेत बताउँदै यसबारे तीनपछि मात्रै बोल्ने बताए । पूर्वएमालेबाट प्रदेश सभा सदस्यमा निर्वाचित अध्यक्ष थापाले संवादमा गाडीको कुरा आएको बताउँदै आफूले पाँच वर्ष पहिले गाडी किनेको समेत बताए ।
छोटो कुराकानीको क्रममा अध्यक्ष थापाले यस्तो कुरा गरेको स्मरण नभएकोले अडियो आफ्नो हो र होइन भन्न नसक्ने बताए ।
