News Portal

  • बुद्धको मूर्ति तोडफोड गर्नेलाई कारवाहीको माग गर्दै विरोध प्रदर्शन

    ३०७ पटक

    रुपन्देही । तिलोत्तमा नगरपालिकाले स्थापना गरेका गौतमबुद्धका मूर्तिको तोडफोड गर्ने कार्यमा संलग्नलाई कडा कारवाहीको माग गर्दै भैरहवा मर्निङ ग्रुप सिद्धार्थनगरले र्याली निकालेको छ ।

    गौतमबुद्धका मूर्तिको निर्ममतापूर्वक तोडफोड गरिएकोमा भैरहवा मर्निङ ग्रुपले निन्दा र भत्र्सना गर्दै घटनामा संलग्न दोषीलाई कडा कारवाहीको माग गर्दै र्याली निकालेको हो ।

    सिद्धार्थ राजमार्ग अन्तर्गत रुपन्देहीको बुटवल–बेलहिया सडकखण्डमा पर्ने तिलोत्तमा नगरपालिकाको ६ लेन सडकको मध्यभागमा राखिएका ५ वटा बुद्धका मूर्ति केही दिन अगाडि तोडफोड गरिएको थियो ।

    घटनाको विरोध गर्दै भैरहवा मर्निङ ग्रुप (बिएमजी) ले आइतबार भैरहवामा विरोध र्याली निकालेको हो । भैरहवास्थित बुद्धचोकबाट निकालिएको र्याली जिल्ला प्रशासन कार्यालयमा पुगेर समापन भएको थियो । शान्तिको देशमा अशान्ति फैलाउने जोसकै भए पनि कारवाहीको दायरामा ल्याउनुपर्ने बिएमजीका संस्थापक अध्यक्ष विजय गोविन्द श्रेष्ठले माग गरे ।

    बिएमजीका कार्यवाहक अध्यक्ष बाबुराम केसीले बुद्धमूर्तिका घटनामा संलग्नलाई कानुनी कारवाही हुनुपर्ने बताए । यसैबीच विश्व शान्तिका अग्रदुत भगवान गौतम बुद्धको पवित्र मूर्तिहरुको तोडफोड गरिएको घटनाबाट बिएमजी परिवार अति दु : खी भएको जनाउँदै दोषीहरुमाथि कारवाहीको माग गर्दै जिल्ला प्रशासन कार्यालय रुपन्देहीमा ज्ञापनपत्र बुझाइएको छ ।

    ज्ञापनपत्र बुझ्दै रुपन्देहीका सहायक प्रमुख जिल्ला अधिकारी भरत कुमार शर्माले घटनाको विषयमा प्रहरीले अनुसन्धान गरिरहेको जनाउँदै दोषीहरुलाई चाँडो भन्दा चाँडो कानुनी दायरामा ल्याउने प्रतिबद्धता व्यक्त गरे । उनले भने,“यस प्रकारका घटनाप्रति हामी संवेदनशील छौं, घटना दोहोरिन नदिने कुरामा प्रतिबद्धता जनाउँछौ, बिएमीले थप सजग बनाउने काम गरेको छ ।”

    त्यसैगरी विरोध र्यालीमा शान्ति बौद्ध गुम्बा र सिद्धार्थ बौद्ध समाजसमेत सहभागी भएका थिए । ती दुई संस्थाले पनि बुद्धमूर्ति तोडफोड जस्तो अमानवीय कार्यमा संलग्न दोषीहरुलाई कारवाहीको माग गर्दै प्रशासन कार्यालयमा ज्ञापनपत्र बुझाएका छन् ।

    प्रतिकृया दिनुहोस्