News Portal

  • मणिपाल अस्पतालमा डाक्टरको गाडीले बच्चा मारेपछि स्थिति तनावग्रस्त

    १८२ पटक

    पोखरा । पोखराको मणिपाल शिक्षण अस्पतालका पाकिङ्ग स्थलमा बालकलाई कारले ठक्कर दिँदा घटनास्थलमै मृत्यु भएको छ ।

    बाबा आमासंग बिरामी आफन्त भेटन आएका कास्की माझठानाका ४ वर्षिय संस्कार कडेँललाई पार्किङ्ग स्थलमा रहेको बेला चिकित्सक डा.विश्वदीप तिमल्सिनाको ग १ च ४३६ नं.को कारले ठक्कर दिएको हो ।

    गाडी चालक डा.तिमल्सिना मोवाइलमा कुरा गर्दै तीव्र गतिमा सवारी चलाएकोले दुर्घटना भएको घटनास्थलका प्रत्यक्षदर्शीहरु बताएका छन् । बिहान करिब साढे आठ बजेको समयमा घटना भएको जनाइएको छ ।

    मृतकका आफन्तहरुले चिकित्सकको लापरबाहीको कारण घटना भएकाले दोषीलाई कारबाही र क्षतिपुर्तिको माग गर्दै मणिपाल शिक्षण अस्पताल बन्द गराएका छन् । अस्पतालमा मृतकका आफन्तको भीड बढेपछि सुरक्षा व्यवस्था कडा पारिएको छ ।

    प्रतिकृया दिनुहोस्