News Portal

  • रामेछापमा बस दुर्घटना हुदाँ २ जनाको मृत्यु

    डबली सम्बाददाता
    १७१ पटक

    रामेछाप ।
    रामेछापमा यात्रुबाहक बस दुर्घटना हुँदा २ जनाको मृत्यु भएको छ भने १५ जना घाइते भएका छन् । कोशिपारी यातायातको बा २ ख ७२४२ नम्बरको बस गएराति रामेछापको दोरम्बा–६, भष्मेडाँडामा दुर्घटनामा परेको हो ।
    स्वास्थ्यकर्मीलगायतका यात्रु चढेको बस दुर्घटना हुदाँ दोरम्बा–६ का हरिबहादुर कार्की र उद्धव गौतमको मृत्यु भएको रामेछापका प्रहरी नायव उपरिक्षक डीएसपी सन्तोषकुमार भट्टराईले जानकारी दिनुभयो । उनीहरुको धुलीखेलस्थित अस्पतालमा उपचारका क्रममा मृत्यु भएको हो ।
    भट्टराईका अनुसार, दुर्घटनामा १५ जना घाइते भएका छन् । उनीहरु सबैको अहिले धुलीखेलस्थित अस्पतालमा उपचार भइरहेको छ । बसमा स्वास्थ्य शिविर सञ्चालनका लागि आएको चिकित्सकको टोली चढेको बताइएपनि को–को घाइते छन् भन्ने नखुलेको उहाँले बताउनुभयो । चिकित्सकको टोली भोलि र पर्सि हुने स्वास्थ्य शिविरमा सहभागी हुन त्यसतर्फ गएको थियो ।
    बस सडकबाट करिब ५ सय मिटर तल खसेको छ । दुर्घटनाको कारण खुलेको छैन । बसका चालक र सहचालक बेपत्ता रहेकाले खोजी कार्य जारी रहेको प्रहरीले जनाएको छ ।

    प्रतिकृया दिनुहोस्