काठमाडौं । राष्ट्रिय जेनजी नागरिक अभियनका सयोजक सुनिल सिंहले सर्बोच्च अदालतको कारण देखाउ आदेशलाई लत्याउँदै सरकारले लाखौं धरौटी मागेको भन्दै आक्रोश व्यक्त गरेका छन् । बिहिबार राजधानीको संवाद डबलीमा पत्रकार सम्मेलनको आयोजना गरी अभियानले आफ्ना सहकर्मीहरुलाई गम्भीर अपराधीलाई जस्तै व्यवहार गरिएको आरोपसमेत लगाएको छ ।

संयोजक सिंहले सर्बोच्च अदालतले तीनजना जेनजीलाई थुन्नुको कारणदेखाउ आदेशको बर्खिलापमा गएर सरकारले काठमाडौं जिल्ला प्रशासन कार्यालयमार्फत धरौटि माग्नु गैरकानुनी भएको जिकिर गरे । “सम्मानित सर्बोच्च अदालतलाई जवाफ दिनुको साटो थुनामा रहेको ८ दिनमा क्रुरुर बालेन सरकारले सिडियोमार्फत धरौटी माग्न कहाँसम्म न्याउसंगत छ” सिंहले प्रश्न गरे ।

‘सिंहदरबार, राष्ट्रपति भवन, संसद भवनलगायतका राष्ट्रिय सम्पत्ति जलाउनेहरुलाई कानुनी दायरामा ल्याउँने हो भने उनिहरुलाई कति धरौटी लिने हो सरकार’ भन्दै सिंहले प्रश्न गरे । “यद्ययपि त्यस्ता राष्ट्रिय सम्पत्ति जलाउनेहरुलाई खरानी ग्याङले संरक्षण गरेर राखेको छ” उनले भने ।
“जलाउने गृहमन्त्री बन्ने, जलाउन फेसबुकमा स्टाटस लेख्ने प्रधानमन्त्री हामीप्रति पूर्वाग्रही बन्नु स्वभाविक छ, हेर्दै जाउ तिमीहरुको भोलि एकएक हिसाब हुन्छ” सिंहले आक्रोश व्यक्त गरे ।

अभियानका प्रवक्ता विर्जन विश्वकर्माले बालेनसरकारका जनविरोधी हर्कतमाथि खबरादी गर्ने आफ्ना सहकर्मीहरुलाई झुटा आरोपमा थुनेर वर्तमान सरकार नाङ्गिदै गएको जिकिर गरे । सरकारले ‘आफ्नो हात जगन्नाथ’ गरेर कानुनी राजको खिल्लि उडाएको विश्वकर्माको कथन छ । “के हाम्रा साथिहरुले बालेन जस्तै राष्ट्रघाति विचार राखेका थिए, के सिंहदरबार जलाएका थिए, के व्यक्ति हत्या गरेका थिए, हैन भने एकएक लाख धरौटी र १० दिनसम्म जेल हाल्नुपर्ने किन” विश्वकर्माले प्रश्न गरे ।
उनले गैरन्यायीक धरौटीविरुद्ध शुक्रबार सर्बोच्च अदालतमा पेशी रहेको जनाउँदै अदालतले विना धरौटी र निसर्त रिहा गर्ने आशा व्यक्त गरे ।

अभियान्ता हरिकृष्ण गजुरेलले सरकारको गैरन्यायीक हर्कतविरुद्ध जनता जागरुक हुनुपर्ने धारणा राखे । ‘पुराना दलहरुको राष्ट्रघात, भ्रष्टाचार र बेथितिबाट आजित भएका जनताको नयाँहरुले मुक्ति दिने आशामाथि कुठारा घात गरेको’ गजुरेलको कथन छ । “पुरानालाई माथ खुवाउने गरी ‘टिओबी’ र ‘बारबरा फाउण्डेसन’का विदेशी दलालहरुको जगजगी बढ्यो यीनलाई त झन छिटो खेदाउनुपर्ने अवस्था पो आयो” गजुरेलले भने ।

जेनजी अमृत बोहोराले वर्तमान बालेन सरकारले लोकतान्त्रीक व्यवस्था र कानुनीराजको खिल्लि उडाउँदै आफ्ना विरोधीहरुको आवाजमा ताला लगाउने तानाशाही हर्कत गरेको आरोप लगाए ।
उनले संसदमा बलियो प्रतिपक्ष र सडकमा खबरदारी गर्ने शक्ति नभएको बेला ‘राष्ट्रिय जेनजी नागरिक अभियान’ खरो उत्रेको बताए । अहिले विभिन्न बहानामा सरकारले उनिहरुको आवाजलाई बन्द गर्न राज्य शक्तिको दुरुपयोग गर्न लागि परेकोसमेत आरोप लगाए ।

अभियानकी सुप्रिया नेपालीले आजय सोडारी, प्रकाश बम र सुनिल बिकलाई साउन १२ गते माइतिघर मण्डलाबाट गिरफ्तार गरेको जनाइन् । त्यसको भोलिपल्ट १३ गते सर्बोच्च अदालतमा बन्दिप्रत्यक्षीकरणको रिट दायर गरेको र अदालतले कारण देखाउ आदेश दिदा पनि आजसम्म सरकारले जवाफ नपठाएको नेपालीले बताईन् ।
गैरन्यायीक तबरबाट काठमाडौं सिडियोले प्रतिव्यक्ति लाख रुपैयाँ धरौटी माग र धरौटी दिन अस्वीकारपछि सुन्धारस्थित केन्द्रीय कारागारमा पठाईको नेपालीले जानकारी दिइन् ।