अनलाइन डबली
काठमाडौँ । सामाजिक संजालमाथिको प्रतिबन्द लगाउने सरकारको निर्णयविरुद्ध जेनजी पुस्ताका युवाहरु सडकमा आएका छन् ।
प्रदर्शनमा युवाहरुले भ्रष्टाचार, नातावाद र कृपावादका कारण युवाको पलायनलगायतका कारण देखाउँदै जेनजी पुस्ताले विरोध थालेका हुन् ।
युवाहरुले प्रधानमन्त्री केपी शर्मा ओलीविरुद्ध चर्को नारा लगाइरहेका छन् । उनिहरुले ‘केपी तेरो पाराले दुःख पायो साराले, नालायक सरकार मुर्दावाद, केपी चोर देश छोड’ जस्ता नाराहरु लगाइरहेका छन् । युवाहरुको प्रदर्शन माइतिघर क्षेत्रमा जारी रहेकाे छ ।
सरकारले संसद भवन, सिंहदरबारलगायत सरकारी कार्यालयमा सुरक्षा व्यवस्था कडा पारिएको छ।
