अनलाइन डबली
काठमाडौँ । कार्यसम्पादनमा फेरि पनि भरतपुर महानगरपालिकाले पहिलो स्थान ओगटेपछि मेयर रेणु दाहालको कार्यक्षमताबारे चर्चा हुन थालेको छ । दोस्रो कार्याकालमा पनि रेणु कार्यसम्पादनमा अब्बल ठहरिएकी छन् ।
यसअघि प्राकृतिक स्रोत तथा वित्त आयोगका आर्थिक वर्ष २०७९÷०८० मा गरेको कार्य सम्पादन मूल्याङ्कनमा भरतपुर महानगर प्रथम भएको थियो ।
आयोगले आव २०८१/८२ मा संघीय सरकारबाट प्रदेश र स्थानीय तहलाई प्रदान गर्ने वित्तीय समानीकरण अनुदानको प्रयोजनका लागि आयोगले १० वटा सूचकका आधारमा प्रदेशहरुको मूल्यांकन गरेको छ ।
आयोगका अनुसार भरतपुरल ५६ दशमलव २९ प्रतिशत अंक प्राप्त गरेर पहिलो भएको छ भने काठमाडौँ महानगरपालिकाले ३९ दशमलव ०२, वीरगञ्ज महानगरपालिकाले ३३ दशमलव ४९ , विराटनगर महानगरपालिकाले ३२ दशमलव ८५ , ललितपुर महानगरपालिकाले २५ दशमलव १८ र पोखरा महानगरपालिकाले २० दशमलव ७४ प्रतिशत अङ्क पाएका छन् ।
संघीय राजधानी समेत रहेको र सबैभन्दा बजेट समेत बढी भएको काठमाडौँका मेयर बालेन रेणुभन्दा निकै पछि परेका छन् । यसअघि पनि बालेनले रेणुलाई पछाएका थिए ।
आयोगले पालिकाले गरेको खर्च, बेरुजु, लेखा परीक्षणले औँल्याएको बेरुजु, स्थानीय सञ्चित कोष व्यवस्था प्रणालीको प्रयोग, आवधिक योजना गरे–नगरेको, राजस्वको विभाजन गरेरनगरेको लगायतका सूचकमा मूल्याङकन गर्ने गर्दछ ।
त्यसैगरी १० असारभित्र बजेट ल्याए–नल्याएको, ३० असार भित्र बजेट पास गरेरनगरेको, घरजग्गा रजिष्ट्रेसन शुल्क, मनोरञ्जन कर तथा विज्ञापन कर वापत उठेको रकममध्ये ४० प्रतिशत प्रदेश सरकारलाई मासिक रुपमा दिए–नदिएकोलगायतका आधारमा मूल्याकंन गरिन्छ ।
आयोगले विशेष गरेर लेखा प्रणाली र आर्थिक प्रणालीसँग जोडिएर मूल्याङ्कन गरी नतिजा प्रकाशित गर्छ ।
आयोगका अनुसार भरतपुरपछि इच्छाकामना गाउँपालिकाले ४२ दशमलव ०६ प्रतिशत, खैरहनी नगरपालिकाले ४० दशमलव ५१ प्रतिशत, रत्ननगर नगरपालिकाले ४० दशमलव ०१ प्रतिशत, कालिका नगरपालिकाले ३५ दशमलव ६८ प्रतिशत, राप्ती नगरपालिकाले ३१ दशमलव ७५ प्रतिशत र माडी नगरपालिकाले २६ दशमलव २० प्रतिशत अङ्क पाएका छन् ।
बजेट विनियोजनदेखि कार्यक्रम कार्यान्वयनसम्मको प्रदर्शनका आधारमा मापन हुने कार्यसम्पादन मूल्याङ्कनमा भरतपुर महानगरपालिका पहिलो भएको हो । राष्ट्रिय प्राकृतिक स्रोत तथा वित्त आयोगले आर्थिक वर्ष २०८०र८१ का लागि वित्तीय समानीकरण अनुदान सिफारिस गर्ने प्रयोजनका लागि कार्य सम्पादन सूचकाङ्कका आधारमा सबै तहका सरकारको कार्यसम्पादन मूल्याङ्कन गर्ने गर्दछ । देशभरिका अन्य छ महानगरपालिका भन्दा भरतपुर उत्कृष्ट भएको हो ।
कार्यसम्पादन मूल्यांकनमा स्थानीय तहमध्ये भरतपुर महानगरपालिकाले सभै भन्दा धेरै ५६.२९ अंक ल्याएको छ।भने काठमाडौंले ३९.०२, वीरगञ्जले ३३.४९, विराटनगरले ३२.८५, ललितपुरले २५.१८, पोखरा २०.७४ अंक पाएको छ।
आर्थिक वर्ष २०७९/८०को प्रदेश र स्थानीय सरकारहरुको प्राकृतिक स्रोत तथा वित्त आयोगले गरेको कार्यसम्पादन मूल्यांकनको प्रारम्भिक घोषणा गरेको छ।
आयोगले प्रदेश तथा स्थानीय तहको कार्यसम्पादन मूल्यांकन कार्यविधि २०७८ अनुसार विभिन्न १७ सूचकको आधारमा मूल्यांकन गरेको छ ।
