अनलाइन डबली
कठमाडौं । समता समाज नेपालका अध्यक्ष गोपाल बहादुर बिक थापाले उत्पीडनको जाँतोबाट मुक्त गर्न समता समाज नेपालको स्थापना गरेको बताएका छन् । शनिबार राजधानीको संवाद डबलीमा ‘समाजवादी आन्दोलनमा दलित विमर्श’ बिषयक अन्तरक्रिया कार्यक्रममा बोल्दै उनले दलित मुक्तिका लागि जस्तोसुकै कदम चाल्न पनि तयार रहेकोसमेत बताएका हुन् ।
मनुवादी जात व्यबस्थाको कारण दलित समुदाय सबैभन्दा बढी मारमा परेको जिकिर गरे । थापाले २१औं शताब्धीमा जनाबरको अधिकार रक्षाको कुरा उठिरहँदा दलितलाई त्यो भन्दा मुनिको ब्यवहार खेप्नु परेकोप्रति दुःख व्यक्त गरे ।
उनले विगत ७५ वर्षदेखि समाज परिवर्तनका निम्ति लड्दै आएका अग्रजहरुलार्ई सम्मान गर्नुपर्ने र उनिहरुले देखाएको बाटोलाई आत्म साथ गर्नुपर्ने धारणासमेत राखे । सामाजिक रुपान्तरणका लागि १० वर्षे जनयुद्ध र जनआन्दोलनमा भएको बलिदानले ल्याएको वर्तमान व्यबस्थामा पनि उत्पीडित वर्गले अधिकारको उपभोग गर्न नपाउनु दुःखत बिषय भएको बताए ।
व्यापक परिवर्तनपश्चात पनि देशका विभिन्न ठाउँमा दलित समुदायमाथि असमानताका डण्डाहरु वर्षिरहेकोप्रति चिन्ता व्यक्त गर्दै थापाले भने,“हामीले विगतमा गरेको ठूलो त्याग तपस्या र बलिदनमाथि बज्रपात हुँदैछ, अब हामी सहन्नौं ।”
विश्वका मानिसहरु चन्द्रमा र मंगल ग्रहमा पुगिसक्दा पनि नेपाली समाजमा भने २०आँै सताप्धीको समाजिक चेतना रहनु दुर्भाग्य भएको बताए । छुवाछुत,उच–निचता, रुढीवादले ग्रस्त शासक वर्गहरु मुखले एउटा र ब्यवहारमा अर्को गर्ने गरेको आरोप लगाउँदैै, आफूहरु त्यसको विरुद्दमा कडा भन्दा कडा संघर्ष गर्न तयार रहेको चेतावनी थापाले दिए । आफूरुको अभियानलाई सम्पूर्ण उत्पीडित तथा दलित समुदायलाई साथ र सहयोग दिन अपिलसमेत गरेका छन् ।
