आज :

एलिमिनेटरमा काठमाडौं र चितवन भिड्दै, सुदूरपश्चिम फाइनलमा पुग्ने सम्भावना जीवितै

  • अनलाइन डबली

काठमाडौं । नेपाल प्रिमियर लिग (एनपीएल) को तेस्रो संस्करणको पहिलो क्वालिफायर गुमाएको सुदूरपश्चिम रोयल्सको फाइनल पुग्ने सम्भावना अझै जीवितै छ ।

मंगलबार भएको पहिलो क्वालिफायरमा लुम्बिनी लायन्ससँग ६ विकेटले पराजित भएपछि सुदूरपश्चिमले अब दोस्रो क्वालिफायर खेल्नुपर्ने भएको छ ।

काठमाडौं गोर्खाज र चितवन राइनोजबीच आज (बुधबार) हुने एलिमिनेटर खेलले सुदूरपश्चिमको दोस्रो क्वालिफायर प्रतिद्वन्द्वी तय गर्ने छ ।

आजको खेलमा विजयी हुने टोलीले सुदूरपश्चिमसँग फाइनल प्रवेशका लागि बिहीबार प्रतिस्पर्धा गर्ने छ । त्यसैले सुदूरपश्चिमसँग उपाधि दौडमा फर्कने अझै एक अवसर भने जीवित नै छ ।

आजको एलिमिनेटरमा काठमाडौं र चितवनको परीक्षा

आज साँझ ५ बजे हुने एलिमिनेटरमा काठमाडौं गोर्खाज र चितवन राइनोज भिड्दै छन् । लिग चरणमा काठमाडौं तेस्रो र चितवन चौथो स्थानमा रहँदै प्लेअफमा पुगेका हुन् । काठमाडौंले सात खेलबाट आठ अंक जोडेको थियो भने चितवनले सात अंक पाएको थियो । बुधवारको खोमा पराजित हुने टोली प्रतियोगिताबाट बाहिरिनेछ भने विजेता दोस्रो क्वालिफायरमा पुग्नेछ ।

आजको खेलमा काठमाडौं र चितवनमध्ये जुन टोली विजयी हुन्छ, उसैले बिहीबार सुदूरपश्चिमसँग दोस्रो क्वालिफायर खेल्नेछ । त्यस खेलको विजेता शनिबार हुने फाइनलमा लुम्बिनी लायन्ससँग भिड्नेछ ।

पहिलो अवसर गुमाएको सुदूरपश्चिमसँग अब फाइनल पुग्न एउटा मात्रै अझै मौका छ । लुम्बिनी भने पहिलो क्वालिफायर जित्दै फाइनलमा प्रवेश गरिसकेको छ ।

पहिलो क्वालिफायरमा लुम्बिनीको दवदवा

कीर्तिपुरस्थित त्रिवि क्रिकेट मैदानमा मंगलबार टस जितेर पहिले ब्याटिङ गरेको सुदूरपश्चिमले निर्धारित २० ओभरमा ८ विकेट गुमाएर १०५ रन मात्रै बनाउन सक्यो । टोलीका ब्याटरले अपेक्षाअनुसार प्रदर्शन गर्न नसक्दा लुम्बिनीले पाएको सामान्य लक्ष्य पनि सुदूरपश्चिमका लागि भारी बन्यो ।

जवाफमा लुम्बिनीले आफ्नो दवदवा कायम राख्दै १६.४ ओभरमा ४ विकेट गुमाएर १०८ रन बनाउँदै लक्ष्य पूरा गरेको थियो । लुम्बिनीले २० बल बाँकी छँदै ६ विकेटको जित निकाल्दै सिधै फाइनलमा स्थान सुरक्षित गर्यो ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टिम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal