अनलाइन डबली
काठमाडौँ । सरकारले आज निजी क्षेत्रसँग समग्र अर्थतन्त्रलाई थप चलायमान बनाउनेबारे अन्तरक्रिया गर्दैछ । प्रधानमन्त्री प्रचण्डले सोमबार अर्थमन्त्रीसहितको छलफलमा निजी क्षेत्रसँग सुझाव, सल्लाह लिने प्रस्ताव गरेका थिए ।
प्रधानमन्त्रीले सोमबारको बैठकमा अर्थसहित विभिन्न मन्त्रालय, राष्ट्रिय योजना आयोग, नेपाल राष्ट्र बैंकलगायत निकायसँग छलफल गरेका थिए।
अर्थमन्त्री डा. प्रकाशशरण महतका अनुसार प्रधानमन्त्री कार्यालय सिंहदरबारमा निजी क्षेत्रसँग पनि छलफल आयोजना गरिएको छ ।
सोमबारको बैठकमा अर्थमन्त्री, राष्ट्र बैंकका गभर्नर र राष्ट्रिय योजना आयोगका प्रतिनिधिले अर्थतन्त्रको अवस्थाबारे प्रधानमन्त्रीलाई ब्रिफिङ गरेका थिए ।
