धनन्जय बुढा
काठमाडौं । समाजसेवी तथा साहित्यकार लीलादेवी श्रेष्ठलाई सूचक प्रकाशनले सूचक सम्मानद्वारा सम्मानित गरेको छ । श्रष्ठाहरुलाई नेपाल प्रज्ञा प्रतिष्ठानका कुलपति भूपाल राईले प्रमाण पत्र तथा दोसल्ला ओडाएर सम्मानित गरेका हुन् ।
२००४ सालमा संखुवासभाको चैनपुरमा जन्मिएकी सहित्यकार श्रेष्ठका अठोट (नाटकसङ्ग्रह–२०७९) र जिन्दगीका डोबहरु(कविता/भजनसङ्ग्रह–२०७९) कृतिहरु प्रकाशित छन् । गायिकाका रुपमा पनि परिचित उनि साहित्य,संस्कृति र विशेषगरी सामाजिक सेवाको क्षेत्रमा महत्वपूर्ण योगदान दिएवापत सूचक सम्मान–२०८०ले सम्मान गरिएको सूचक प्रकासनका अध्यक्ष दीपक भेटुवालले बताए । ७६ वर्षिय श्रेष्ठ आज पनि साहित्य रचना तथा विभिन्न सामाजिक क्षेत्रमा सक्रिए रहेकी छन् ।
सूचक प्रकाशनको १५औं वार्षिकोत्सवको अवसरमा आयोजित ‘क्याप्टेन रतन बहादुर लामिछाने पुरस्कार तथा सूचक सम्मान समर्पण समारोह –२०८०’को अवसरमा कार्यक्रमलाई सम्बोधन गर्दै कुलपति राईले कला र साहित्यलाई जगेर्न गर्ने प्रयास गरेकोमा आयोजकलाई धन्यबाद दिए । कुलपति राईले नेपाल जस्तो पितृसत्तात्मक मुलुकमा सूचक प्रकासनले अत्याधिक महिला श्रष्ठाहरुलाई सम्मानित गरेर अनुकरणिय कार्य गरेको पनि बताए ।
सूचक प्रकासनका अध्यक्ष भेटवालले पछिल्लो समयमा सात्यिलाई मनोरन्जनका रुपमा मात्रै नभएर साहित्यलाई व्यवसायीकरुपमा विकास भएकोमा आफूहरुलाई हौशला मिलेको धारणा राखे । सो सम्मान समारोहमा कवि सपना लामिछाने क्याप्टेन रतन बहादुर लामिछाने पुरस्कारले सम्मानित भइन् । त्यसैगरी समाजसेवी हेमन्त कुमार कार्की, साहित्यकार इल्या भट्टराई, नेत्र अनुसन्धान विज्ञडा. सिद्धार्थ रन्जित, पत्रकार राजेश खनाल, साहित्यकारहरु रेणुका सोलु, गीता कार्की,ज्ञानु अधिकारी र वसन्त नकर्मी गरेर दश जना सम्मानित भएका हुन् ।
सो समारोहमा शिक्षाविद एवं समाजसेवी केदारनाथ श्रेष्ठ,बौद्ध उपासक एवं समाजसेवी पन्चविरसिंह तुलाधर,सूचक प्रकाशनका संरक्षक समाजसेवी कृष्ण बहादुर श्रेष्ठ, महिलाहरुको साहित्यिक संस्था गुन्जनको अध्यक्ष एवं साहित्यकार जलेश्वरी श्रेष्ठलगायत अतिथिका रुपमा रहेका थिए ।
कार्यक्रमको सभाअध्यक्षता सूचक प्रकाशनका आजिवन सदस्य साहित्यकार हिरण्यकुमारी पाठकले गरेकी थिइन् भने कार्यक्रमको सञ्चालन् कवि एवं गजलकार प्रकाश समीर गरेका थिए ।
