अनलाइन डबली
काठमाडौं । प्रधानमन्त्री पुष्पकमल दाहालले २८ औ जनयुद्ध दिवसको अवसरमा शुभकामना सन्देश जारी गर्नु भएको छ ।
प्रधानमन्त्री दाहहलले सन्देश जारी गर्दै जनयुद्दको जगमा स्थापित अधिकार र उपलब्धि राष्ट्रका साझा सम्पत्ति भएकाे बताउनुभयो ।
नेकपा माओवादीले नेतृत्व गरेको भएता पनि जनयुद्ध पहिचान, अधिकार, मुक्ति, न्याय र स्वतन्त्रता चाहने सम्पूर्ण मुक्तिकामी एवं परिवर्तन प्रेमी नेपालीहरूको साझा दिवस भएकाे र उक्त अधिकार र उपलब्धि राष्ट्रका साझा सम्पत्ति भएकाे उहाँले बताउनुभयाे ।
शुभकामना सन्देशमा भनिएको छ – ‘ यहि यथार्थलाई दृष्टिगत गरी नेपाल सरकारले फागुन १ गतेलाई जनयुद्ध दिवसका रूपमा मनाउँदै सार्वजनिक बिदा दिने निर्णय गरेको छ ,जनयुद्ध दिवसलाई विभिन्न रचनात्मक कार्यक्रमसहित राष्ट्रिय उत्सव र गौरवको दिनका रूपमा मनाउन म सम्पूर्ण जनसमुदायमा हार्दिक अपील गर्दछु ’ ।
