आज :

आनी छोइङको नियुक्ति विरुद्धमा लुम्बिनीमा तिब्र विरोध, थप आन्दोलनको चेतावी

  • अनलाइन डबली

रुपन्देही । लुम्बिनी विकास कोषमा आनी छोइङ डोल्माको उपाध्यक्ष नियुक्तिको विरोधमा प्रदर्शनले तिब्रता पाएको छ । आनीले कोषमा हाजिर गर्ने खबर पाएलगत्तै मंगलबार ‘लुम्बिनी बचाउ महाअभियान’ले प्रदर्शन गरेको छ । महाअभियानले विवादित नियुक्ति तत्काल बदर गर्न र हाजिर लगाउन नदिने तथा देशभर आन्दोलन चर्काउने चेतावनीसमेत दिएको छ ।

महाअभियानका संयोजक अकरम खाँको नेतृत्वमा लुम्बिनीको पर्सा चोकबाट लुम्बनी विकास कोषको प्रशासनीक भवनसम्म प्रदर्शन गरेको महाअभियानका प्रवक्ता रामविकास चौधरीले जानकारी दिए । प्ले कार्डसहित प्रदर्शन विकास कोषको प्रशासनीक भवनमा पुगेर कोणसभामा परिणत भएको उनले थियो ।


कोणसभालाई सम्बोधन गर्दै महाअभियानका संयोजक अकरम खाँले विधि र प्रक्रिया मिचेर गरिएको नियुक्तिलाई रोक्न आफूहरु जुनसुकै हदसम्म पनि जाने चेतावनी दिए । “कानुन विपरित मात्रै नभएर स्थानीयको भावना विपरित आउने आनीलाई हाजिर त के गेटबाट पनि छिर्न दिने छैनौं” खाँले भने ।

सह–सयोजक लक्ष्मि थारुले सरकारले समयमै निर्णय नसच्याए लुम्बिनीबाट मात्रै नभई देशभरबाट आन्दोलन उठ्ने उनले चेतावनी दिइन् ।

अभियानका सदस्य घनस्याम गुप्ताले सक्षम र निष्पक्ष विज्ञलाई उम्मेदवारलाई वेवास्ता गरेर प्रश्नै–प्रश्न उठिरहेकी अनीलाई दिइएको नियुक्तिलाई कुनै पनि हालतमा नस्वीर्काने जनाईनाए ।

भ्रष्टाचार विरोधी अभियान्ता सन्जय कुमार मिश्रले लुम्बिनीमा यसअघि पनि व्यापक भ्रष्टाचार र अनियमितता चल्दै आएको र यो पटक पनि त्यस्तै व्यक्तिलाई चलखेल गरेर ल्याइएको आरोप लगाए ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टिम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal