अनलाइन डबली
काठमाडौं । साहित्यकार सुरेन्द्र महर्जन ‘अमर’ को ३१ औं कृति एक कार्यक्रमबीच सार्वजनिक गरिएको छ । वरिष्ठ गीतकार डा. कृष्णहरी बरालले महर्जनको नयाँ कृति ‘सपना’ गीति एल्बम सार्वजनिक गरेका हुन् ।
एल्बम सार्वजनिक गर्दै बरालले बिगमाझैं साहित्य सृजनामा महर्जनलाई निरन्तर अगाडि बढ्न शुभकामना दिए । महर्जनको निरन्तर साहित्य सृजनाले समग्र साहित्य र गीत, संगीत क्षेत्र अझ बलियो हुने बताउनु हुँदै बरालले सपना नामक गीति एल्बमले सफलता पाउने आशा व्यक्त गरे । गीत लेखन क्षेत्रमा महर्जनको योगदान एकदम राम्रो रहेकोे र अरु एल्बमहरूले जस्तै यस एल्बमले पनि स्रोताहरूको माया पाउने बरालले आशा व्यक्त गरे ।
सार्वजनिक सपना एल्बममा ‘आकाश छुने सपना’ बोलको गीतमा चर्चित गायीका मेलिना राई र मणि सुन्दर लिम्बुको युगल स्वर र संगीत/एरेन्जर पावल चाम्लिङ्ग राईको रहेको छ ।
दोस्रोमा ‘मायाले हँसाउँछ’ बोलको गीतमा पनि गायीका मेलिना राई र विक्रम चाम्लिङ्गको युगल स्वर रहेको छ । संगीत/एजेन्जर राम कार्कीको रहेको छ । तेस्रोमा ‘गल्ती के भयो म बाट’ बोलको गीतमा स्वर/संगीत चिरञ्जीवी भण्डारीको रहेको छ भने एरेन्जर आशिष लामाको रहेको छ ।
एल्बमको चौथो गीत ‘सोचें बाँच्ने आधार’ मा सरिता प्रजापतिको स्वरमा संगीत/एरेन्जर पुष्कर सुनुवारको रहेको छ । सपना गीति एल्बमको पाँचौ एवं अन्तिम गीत ‘तिम्रै साथ हिँडेको देख्छु’ बोलको गीतमा प्रताप दास र बुनु उप्रेतीको स्वर रहेको छ भने उक्त गीतको संगीत सुर्य कमल राईको र एरेन्जर संजय हमालको रहेको छ ।
