अनलाइन डबली
धनगढी । सुदूरपश्चिम राजधानी कप राष्ट्रिय फुटबल प्रतियोगिता अन्तरगत आज दुई खेल हुने भएका छन् । कैलालीको धनगढीमा सुरु भएको प्रतियोगितामा समय अभावका कारण पहिलो खेल नै रोकिएका थियो ।
पीएफए स्पोर्ट्रस क्लबको आयोजनामा धनगढी रङ्गशालामा शनिबारदेखि सुरु भएको खेलमा सात वटा प्रदेशको सहभागिता छ । हिजो भएको प्रतियोगिताको उद्घाटन खेलमा सुदूरपश्चिम प्रदेशको रातो टिम र कर्णाली प्रदेशले प्रतिस्पर्धा गरेका थिए । तर, उद्घाटन खेल ढिलो भएपछि आधामै रोकिएको छ ।
रात परेपछि स्थगित खेलको बाँकी १७ मिनेट आज खेलाइनेछ । खेल रोकिनु अघि दुवै टोलीले गोलरहित बराबरी खेलका छन् । आज हुने अर्को खेलमा मधेस प्रदेश र लुम्बिनी प्रदेश खेल्नेछन् । प्रतियोगिता असोज १५ गतेसम्म चल्नेछ । प्रतियोगिताको विजेताले टोलीले नगद ५ लाख र उपविजेताले नगद ३ लाख प्राप्त गर्नेछन् ।
