अनलाइन डबली
काठमाडौं । मोहम्मद दर्जी उर्फ लाल मोहम्मद ह त्याको योजना भारतको नयाँ दिल्ली घर भएका नितेन मदन अरोगाले बनाएको थाहा भएको छ । नितेन लामो समयदेखि काठमाडौँमा बस्दै आएका छन् । उनका दाइ र आमा अहिले काठमाडौँमै छन् ।
उपत्यका अपराध अनुसन्धान कार्यालयको टोलीले उनको दाइलाई नियन्त्रणमा लिएर सोधपुछ गरिरहेको छ । सर्लाहीको हरिवन नगरपालिका–२ घर भएका ५८ वर्षीय मोहम्मदको ह त्या गर्नुअघि नितेनले आफू बस्दै आएको काठमाडौँको भोटेबहालबाट डेरा सारेका थिए ।
१५ दिनअघि उनले डेरा सारेको थाहा भएको अनुसन्धानमा संलग्न प्रहरी अधिकृतहरू बताउँछन् । नितेनले मोहम्मद बस्ने घर नजिकैको कोशीपारी गेष्ट हाउसमा बसेर उनलाई निगरानी गरेका थिए ।
मोहम्मदले सञ्चालन गरेको ‘एभेन्जर इन्टरप्राइजेज वर्ल्ड बेस्ट गार्मेन्ट’बाट करिब २ सय मिटरको दुरीमा सो गेष्ट हाउस छ । गार्मेन्टको माथिल्लो तलामा लाल मोहम्मद आफ्नो परिवार सँग बस्दै आएका थिए ।
गेष्ट हाउसमा भदौ ३० बाट बसेर निगरानी गरेका नितेनले सुरुमा १०४ नबर कोठा नितेन खानको नाममा बुक गराएका थिए । असोज १ गते उनले फेरी भुवन मगरको नाममा १०५ नम्बर कोठा लिएको अनुसन्धानमा संलग्न अधिकृतहरू बताउँछन् ।
भदौ ३ मा बिहान उनले गेष्ट हाउसमा दुई जना सुटर बोलाएका थिए । सुटर गेष्ट हाउसमा आएकै साँझ लाल मोहम्मद मारिए । सुटरले उनलाई ६ गो ली प्रहार गरे । ४ गो ली उनको शरीरमा लाग्यो ।
नितेन र लाल मोहम्मद पूर्व परिचित हुन् । उनीहरूको बिचमा लेनदेन कारोबार समेत देखिएको अनुसन्धानमा संलग्न अधिकृतहरू बताउँछन् ।
उदय सेट्ठीसँग कनेक्सन
लाल मोहम्मदको हत्या कनेक्सन भारतीय अन्डरवर्ल्ड डन उदय सेट्ठीसँग देखिएको छ । रसुवा कारागारमा रहेका अन्डरवर्ल्ड डन सेट्ठीसँग नितेन नियमित टेलिफोन सम्पर्कमा रहेको अनुसन्धानमा संलग्न प्रहरी अधिकारीहरू बताउँछन् ।
अन्डरवर्ल्ड डन छोटा राजनका मुख्य सहयोगी सेट्ठी सामाखुसीका व्यवसायी केदार कक्षपतिका छोरा निरजलाई अपहरण गरेर १ करोड ५० लाख फिरौती लिएको मुद्दामा जेल परेका हुन् ।
लाल मोहम्मद पनि लामो समय रसुवा कारागारमा बसेका थिए । २०६४ असार २० मा काठमाडौँको अनामनगर स्थित धोबीखोलामा बाराका बलराम पटुवालाई गोली हानेर हत्या गरेपछि जेल परेका उनी करिब १० वर्षपछि निस्केका थिए ।
पटुवा जाली नोट कारोबारमा जोडिएका थिए । विगतमा जाली नोट कारोबारमा जोडिएका व्यक्तिहरूको ह त्यामा पनि छोटा राजन र भारतीय अन्डरवर्ल्ड डन बब्लु श्रीवास्तव र ‘बब्बु’ भनिने त्रिलोक सिंह उर्फ दीपक शाहीको समूह संलग्न हुँदै आएको छ ।
बब्लु अहिले जेलमा छन् । उनी जेल परेपछि नेपालमा बब्बुको समूह प्रयोग हुने गरेको इतिहास छ ।
